Беларуская футбалістка выйшла на ўзнагароджанне ў Турцыі пад песню забароненай артысткі
Беларуская футбалістка Карына Альховік, якая гуляе за «Фенербахчэ» са Стамбула, стала ў складзе гэтага клуба чэмпіёнкай Турцыі. На цырымонію ўзнагароджання ёй паставілі песню з нацыянальным каларытам.
У Беларусі футбалістцы нацыянальнай зборнай гэту песню яўна не паставілі б, бо выканаўца песні «Белая Русь» Анжаліка Агурбаш ужо даўно знаходзіцца ў чорных спісах беларускіх уладаў, у тым ліку і ў апошняй вядомай яго версіі.
Прычына пераследу Агурбаш рэжымам Лукашэнкі палягае ў тым, што яна падтрымала пратэсты 2020 года, пасля чаго была завочна арыштаваная паводле абвінавачвання ў распальванні варожасці і абразе Лукашэнкі. Пры гэтым спявачка мае расійскае грамадзянства.
У Беларусі супраць Агурбаш заведзеная крымінальная справа, у 2021 годзе генпракуратура беспаспяхова патрабавала ад Расіі выдачы Агурбаш. Але на выдачу Лукашэнку расійскай грамадзянкі нават у Расіі не наважыліся.
Чытайце таксама:
У Беларусі абнавілі чорны спіс артыстаў — цяпер там 179 пазіцый. Хто трапіў
З'явілася яшчэ адно сведчанне пераследу спявачкі Агурбаш былым паслом у Расіі Дзмітрыем Крутым
Агурбаш пачынае гастролі па Расіі, хоць знаходзіцца ў беларускім вышуку. Прапагандысты ў шаленстве