U Biełarusi abnavili čorny śpis artystaŭ — ciapier tam 179 pazicyj. Chto trapiŭ
U rasparadžeńnie «Našaj Nivy» trapiŭ abnoŭleny śpis artystaŭ, čyje pieśni ciapier nielha śpiavać na kancertach i karaokie-kłubach. Adtul čamuści vyklučyli brescki hurt «Daj darohu!», ale dadali zorak Z-ruchu, jakija horača padtrymlivajuć Rasiju ŭ vajnie.
Što za śpis?
Čorny śpis artystaŭ viarnuŭsia paśla pratestaŭ 2020 hoda. U 2023‑m u im, naprykład, było 87 imion śpievakoŭ i nazvaŭ hurtoŭ, čyje pieśni zabaronieny na publičnych imprezach i ŭ karaokie.
U studzieni 2026 hoda śpis razrośsia da 160 pazicyj (z ulikam dublikataŭ).
«Naša Niva» atrymała abnoŭlenuju viersiju hetaha dakumienta. Jak akazałasia, ideołahi nie siadziać biez spravy i praciahvajuć pašyrać błek-list: ciapier u im 179 pazicyj.
Navički ŭ śpisie
Kaho novaha dadali ŭ śpis? Z ukrainskich artystaŭ tudy trapiła repierša Alyona Alyona (zapisana jak «Savranienko Alena»). Jana śpiavaje dla ŭkrainskich vajaroŭ i zaklikaje słuchačoŭ vydalać z płej-listoŭ rasijskuju muzyku.
Bolš za ŭsio ŭ śpis dadali rasijskich zorak. Heta hurty «Braťja Hrimm», «Hradusy» i «Kar-Mien», repiery GONE.Fludd i L'one, śpiavački Słava, Anžalika Varum, Maruv i Haryk Sukačoŭ.
Trapili taksama indzi-prajekt «Radiohramma», kavier-bend Discowox, elektronščyki z Dvanov, hurty «Čiełoviek kotoryj» i Halt.
Uklučyli navat rasijskich televiadoŭcaŭ: Ivana Urhanta i Ksieniju Sabčak. Raniej ideołahi ŭžo ŭnieśli ŭ śpis rasijskaha žurnalista Alaksieja Pivavarava.
@nashaniva Niečakana! U Biełarusi pašyryli «čorny śpis» artystaŭ — tam užo 179 pazicyj. Jość siurpryzy #naviny #našaniva #baskov #słava #varum ♬ Dramatic accompaniment for a scene like a groping battle(1528922) - Yuki Hotta
Vydaleńni i kurjozy
Zahadkavym čynam sa śpisa źnik brescki hurt «Daj Darohu!» Taksama vydalili hurty «Ahata Kryści», «VIJA Hra» i «Maša i miadźviedzi», śpiavačak Kryścinu Arbakajcie, Cinu Karal i Kryścinu Košalevu, a taksama Maksima Hałkina.
U studzieni žurnalisty źviartali ŭvahu na dziŭnyja pamyłki ŭ śpisie: Jowwa zamiest IOWA, N.R.N. zamiest N.R.M., Sectet zamiest Secret. Ciapier ich vypravili, ale napładzili novych.
Naprykład, u śpisie jość biełaruski śpiavak Alaksiej Hros — i jaho nieisnujučy dvajnik Alaksiej Ros. Adny i tyja ž vykanaŭcy trapili dvojčy praź pierastanoŭku imia i proźvišča, jak u vypadku ź Leanidam Ahucinym, Vieraj Brežnievaj i Śviatłanaj Łabadoj, abo praz roznaje napisańnie, kali pobač isnujuć «Instasamka» i Instasamka, «Oksimiron» i Oxxxymiron, «Fejs» i Face.
Dadatkovuju błytaninu ŭnosiać sceničnyja i sapraŭdnyja imiony, jak u vypadku z Łalitaj Milaŭskaj (u śpisie dvojčy) i Nadziejaj Darafiejevaj (u śpisie trojčy), a taksama absurd z kalektyvami i solnymi prajektami. «Patapa i Naściu Kamienskich» składalniki śpisu ŭpisali jak try asobnyja pazicyi: Naścia, sam duet i Patap.
U studzieni 2026 žurnalisty paličyli, što prysutnaść u bazie «Lincoln Park» (zamiest Linkin Park) — heta prosta pamyłka nieadukavanych čynoŭnikaŭ. Ale ŭ sakavickim abnaŭleńni ideołahi ŭdakładnili: Lincoln Park (Rośsija). Heta biełaruska-rasijski trybjut-kalektyŭ, jaki vykonvaje pieśni Čestera Bieninhtana i jaho kamandy.
Cikavaja mietamarfoza adbyłasia z Rammstein. U studzieńskim śpisie jany značylisia prosta jak Rammstein pad numaram 160. A ŭ novym sakavickim dakumiencie pad numaram 170 im u aficyjnuju nazvu prypisali ich hałoŭny chit — Rammstein Du Hast. Zastajecca zahadkaj: ci vyrašyli ŭłady zabaranić tolki adnu kankretnuju pieśniu, ci prosta pierabłytali trek z nazvaj hurta.
Bačna i toje, što śpis składali naśpiech. U kancy niekalki hurtoŭ uniesienyja ŭ advolnym paradku zamiest ałfavitnaha.
Rasijanie ŭ śpisie: Z-patryjoty razam z hałasami supracivu
Z 179 vykanaŭcaŭ u śpisie lidzirujuć rasijanie. Jany zajmajuć bolš za 100 pazicyj.
Pad zabaronu łukašenkaŭskich ideołahaŭ trapili jak vidavočnyja praciŭniki pucinskaha režymu i vajny (Juryj Šaŭčuk, Barys Hrabienščykoŭ, Noize MC, Oxxxymiron, Face, Manietačka, Pornafilmy), tak i absalutna łajalnyja da Kramla pop-vykanaŭcy, repiery i navat Z-patryjoty. Voś niekalki samych jaskravych prykładaŭ:
- Mikałaj Baskaŭ. U lutym 2022‑ha jon apublikavaŭ vialiki tekst u padtrymku vajny, nazvaŭ jaje «miratvorčaj apieracyjaj» i «samaaabaronaj Rasii», a paźniej pieraličvaŭ hrošy rasijskim vajskoŭcam i ich siemjam, za što trapiŭ u vyšuk i pad sankcyi va Ukrainie;
- «Park Horkaha», niekali lehiendarny hurt, jaki niadaŭna ŭźjadnaŭsia ŭ składzie Alaksieja Białova i Alaksandra Maršała. Maršał jašče z 2014 hoda rehularna jeździć na Danbas i zajaŭlaje, što ichny tur maje na mecie «dapamahčy Radzimie i SVA»;
- Rok-muzykant Haryk Sukačoŭ — vieteran Z-ruchu. Jon udzielničaŭ u patryjatyčnych kancertach u padtrymku vajny jašče z 2014 hoda, davaŭ «frantavyja» vystupy i publična chvaliŭsia tym, što dapamahaje hrašyma ŭdzielnikam rasijskaj ahresii;
- Roma Źvier i hurt «Źvieri» taksama akazaŭsia ŭ śpisie. U žniŭni 2023 hoda salist Raman Biłyk ździejśniŭ adno z samych rezanansnych pieraabuvańniaŭ u rasijskim šou-biznesie: vydaliŭ usie antyvajennyja pasty i pajechaŭ z hitaraj na Danbas vystupać pierad rasijskimi vajskoŭcami z bataljona «Kaskad»;
- Repier L'one (Levan Harozija). Jon doŭhi čas maŭčaŭ, ale paźniej u intervju adkryta padtrymaŭ rasijskich sałdat. Jon zajaviŭ, što Rasija pavinna pieramahčy;
- Pad šyldaj «Braty Hrym» siońnia vystupaje Kanstancin Burdajeŭ (druhi brat, Barys, syšoŭ i nie padtrymlivaje vajnu). Kanstancin nazyvaje siabie «zakaraniełym impiercam i vialikadziaržaŭnikam», maje miedal za vystupy pierad rasijskimi vajskoŭcami ŭ Siryi i prapahanduje vajnu va Ukrainie, rehularna hraje ŭ špitalach dla paranienych akupantaŭ;
- Braty Krystoŭskija z hurta «Umaturman». Jany šmat hadoŭ absłuhoŭvajuć praŭładnyja rasijskija fiestyvali, jeździać u anieksavany Krym (za što daŭno ŭ bazie ŭkrainskaha «Miratvorca»), a Uładzimir Krystoŭski naviedvaje punkty adboru kantraktnikaŭ na vajnu, žadajučy im «pośpiechaŭ u bai»;
- Śpiavačka Słava. Jašče viasnoj 2022 hoda jana publikavała fota z butaforskimi ordenami ŭ padtrymku vajny, apraŭdvała rasijskuju ahresiju i pasvaryłasia z ukrainskimi muzykami;
- Lidar hrupy «Ronda» Alaksandr Ivanoŭ razam z kalektyvam staŭ adnym z hałoŭnych tvaraŭ muzyčnaha marafonu «Za Rośsiju», jaki ź viasny 2022 hoda kataŭsia pa dziasiatkach haradoŭ i źbiraŭ natoŭpy pad Z-simvolikaj, zamazaŭsia i ŭ inšych dziejańniach u patrymku Kramla.
Jość u śpisie i tyja, chto adkryta nie vykazvaŭ pazicyi, kštałtu Rehiny Tadarenka i Alaksandra Revy. Uklučanyja tudy i maładyja rasijskija vykanaŭcy, naprykład, Dora i Hrečka.
Zahadkava akazaŭsia ŭ śpisie pop-hurt z 90‑ch «Achi-Vzdochi» i papularny ŭ tyja ž časy hurt «Biełyj Orieł», pazicyi ŭdzielnikaŭ jakich nieviadomyja.
Biełarusy ŭ śpisie
Šmat u śpisie i biełarusaŭ — ad «Lapisa Trubiackoha», «Krambambuli», N.R.M., «Niejra Dziubielu» da NaviBand, LiteSound, Juzary i Cimy Biełaruskich.
Mnohija ź ich viadomyja svajoj pazicyjaj: chtości vychodziŭ na maršy 2020 hoda, jak NaviBand, chtości jašče ź siaredziny 2010‑ch hraŭ pratesny rok i adkryta krytykavaŭ Łukašenku i Pucina, jak Siarhiej Michałok. Niekatoryja prosta nieakuratna dla ŭładaŭ vykazalisia ŭ 2020-m, jak Saša Nema.
Ahułam biełarusy zajmajuć kala 40 radkoŭ.
Suśvietnyja zorki i ŭkrainskija vykanaŭcy
Z suśvietnych zorak zabaronienyja tolki čaćviora: Lady Gaga, Cher, Bono i «Rammstein Du hast». Čamuści taksama zabaronieny niejki z kavieraŭ na pieśniu z hulni pra Supiersonika.
Jość u śpisie i ŭkrainskija muzyki. Im adviedziena kala 30 radkoŭ. Ale realnaja kolkaść ich mienšaja praz toje, što mnohich zapisali pa dva ci navat pa try razy. Naprykład, Nadzieju Darafiejevu zabaranili trojčy.
U vyniku va ŭkrainskim błoku pobač stajać jak hałasy ŭkrainskaha supracivu («Akijan Elzy», Džamała, Alyona Alyona), tak i vykanaŭcy, jakija maŭčali pra vajnu albo praciahvali pracavać u RF (Rehina Tadarenka, Hanna Siedakova, Maruv). Taksama pad zabaronaj Maks Barskich, Ivan Dorn, Arciom Pivavaraŭ, Manacik, «Hryby», Vierka Siardziučka i Safija Rataru.
Ahułam stvarajecca ŭražańnie, što śpis składaŭsia pa huście čynoŭnikaŭ, a nie pa ŭciamnaj łohicy.
Ahulnaja kolkaść realnych artystaŭ, pa našym nazirańni, składaje kala 150 čałaviek, kali vyklučyć usie dublikaty.
Śpis zabaronienych muzykaŭ u Biełarusi
Voś poŭny śpis, jak jon trapiŭ da nas:
- 2Maši
- Ahutin Leonid
- AIHIEŁ duet
- Akvarium
- Aleksiej Ross
- Aleksiej Hross
- Aleksiej Zavhorodskij (Pozitiv)
- Aleksiej Chlestov
- Alen Chit
- Artiom Pivovarov
- Aleksiej Pivovarov
- Ałoe Viera
- Anžielika Ahurbaš
- Anna Nietriebko
- Anna Šarkunova
- Arbienina Diana
- Artur Pirožkov (Rievva Aleksandr)
- Achi-Vzdochi
- Barskich Maks
- Baskov Nikołaj
- BASTA (Vakulenko Vasilij)
- Biełyj Orioł
- B́janka
- Bi-2
- Bihhiz Nikołaj (artist «Nuffsaid»)
- Bohdan Titomir
- Braťja Hrimm
- Briežnieva Viera
- Valerij i Konstantin Mieładzie
- Varum Anžielika
- Vasiljev Aleksandr (artist «Splin»)
- Vasia Obłomov
- Viera Briežnieva
- Vierka Sierdiučka
- VIA Ślivki
- Harik Sukačiev (Sukačiev Ihoŕ)
- Hriebienŝikov Boris
- Hradusy
- Hriečka
- Hriby
- Hriaź
- Danties
- Daša Dorofiejeva
- Dania Miełochin
- DDT
- Džamała
- Džaro i Chanza
- Džiej Mors
- Dmitrij Vojtiuškievič
- Dmitrij Kołdun
- Dora (Šichanova Daŕja)
- Załpom
- Źvieri
- Ziemfira
- Ivan Dorn
- Inna Afanaśjeva
- Instasamka
- Iskui Abalan
- Kavier-Supiersonik
- Kamienskich Nastia
- Kar-Mien
- Kasta
- Kovalenko Jevhienij
- Koroleva Nataša
- Krama
- Krambambula
- Krovostok
- Ksienija Sitnik
- Łajtsaund
- Łarisa Hribaleva
- Leonid Ahutin
- Leninhrad
- Leonidov Maksim
- Leprikonsy
- Lihałajz
- Lipnickij Aleksandr (artist «Zvuki Mu»)
- Łolita
- Łoboda Śvietłana
- Lapis Trubieckoj
- ŁSP
- Makarievič Andriej
- Maks Korž
- Maks Łoriens
- Maniža
- Mašina Vriemieni
- Milavskaja Łolita
- Monatik
- Monietočka
- Morhienštiern
- Mumij trołl
- Musia Totibadzie
- Nadia Dorofiejeva
- Naiv
- Najk Borzov
- Naka
- Narhiz (Zakirova Narhiz)
- Nievadatrip
- Niejro Diubiel
- Niervy
- Niesčastnyj słučaj
- Nikita Aleksiejev
- Nikołajenko Jurij (NJu)
- Nohu Śvieło
- Nojz MS
- Odin v kanoe
- Okiean Elzy
- Oksimiron
- Olha Płotnikova
- Olha Saciuk
- Opieracija płastilin
- Pałac
- Pokrovskij Maks (artist «Nohu śvieło!»)
- Park Hoŕkoho
- Polina Smołova
- Pornofilmy
- Potap i Nastia Kamienskich
- Potapienko Aleksiej (Potap i Nastia Kamienskich)
- Pošłaja Molli
- Prianičnyj domik
- Radiohramma
- Rondo
- Saša Niemo
- Śvietłana Łoboda
- Siedokova Anna
- Sieriebro
- Ślepakov Siemien
- Sobčak Ksienija
- Śpivakov Vładimir
- Splin
- Skriptonit
- Strykało
- Słava
- Sofija Rotaru
- Tarakany
- Tiesto
- Tiemnikova Jelena
- Tima Biełorusskich
- Todorienko Riehina
- Tiani-Tołkaj
- Totał
- Fejs
- Urhant Ivan
- Umaturman
- Čiełoviek kotoryj
- Šievčuk Jurij
- Šier
- Elizium
- Juzari
- Alyona Alyona (Savranienko Alena)
- Anacondaz
- Animal DžaZ
- Bono (Poł Devid Chjuson)
- Discowox
- Dorofeeva (Nadiežda Dorofiejeva)
- Dvanov
- Face (Driemin Ivan)
- GONE.Fludd (Aleksandr Śmirnov)
- Halt
- IC3PEAK
- Instasamka (Zotiejeva Daŕja)
- Intelligency
- Lady Gaga
- Lincoln Park (Rośsija)
- Little Big
- Louna
- Lumen
- N.R.M
- Navi Band
- Oxxxymiron (Oksimiron, Mironov Fiedor)
- Rammstein Du Hast
- RASA
- Rock Privet (Rośsija)
- Secret
- Shortparis (Šort Pari)
- Therr Maitz
- Quest Pistols
- L'one
- Maruv
- Iowa
Kamientary