U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna
Staličny zaapark aktyŭna rekłamuje «samuju haračuju padzieju viasny» — vohnienny fiestyval. Try dni pobač z žyviołami ŭ valjerach buduć ładzić fajer-šou.
Nie paśpieli biełarusy adyści ad šalonaj idei arhanizavać muzyčny rejv u Biełaviežskaj puščy (jaki arhanizatary ŭ vyniku pieranieśli na inšy čas), jak svoj niepryjemny siurpryz padkinuŭ staličny zaapark.
Tam vyrašyli davoli niezvyčajna adśviatkavać pačatak siezona. 22‑24 maja ŭ zaaparku projdzie Minski fiestyval ahniu. U kožny z hetych dzion zapłanavana 1,5‑hadzinnaje fajer-šou. Abiacajuć taksama žyvuju muzyku.
Kvitki na dzień fiestyvalu kaštujuć ad 20 rubloŭ (dla šmatdzietnych siamiej) da 90 rubloŭ (za pakiet «dvoje darosłych + dvoje dziaciej»).
U sacsietkach mnohija aburajucca hetaj idejaj.
Čytačka «Našaj Nivy» źviarnułasia ŭ zaapark z pytańniem, ci narmalna heta — ładzić hučnyja šou z ahniom pobač z žyviołami.
Tam jaje pasprabavali supakoić: maŭlaŭ, jany kłapociacca pra žyvioł, a samo vohniennaje šou budzie na placoŭcy, jakaja znachodzicca navoddal ad valjeraŭ. Śćviardžali taksama, što sami źviary ŭ hety momant buduć znachodzicca ŭ krytych pamiaškańniach.
Paźniej anałahičny dopis źjaviŭsia i ŭ instahramie zaaparku, ale ž mahčymaść pakidać kamientary tam adklučyli.
Adnačasova ŭ akaŭncie zaaparka idzie rozyhryš biaspłatnych kvitkoŭ na fiestyval ahniu.
Kamientary
Abiedźvie parazitujuć na ludziach u statusie biespracoŭnaha, pretendujučy na pracoŭny dzień za 30-ć byn. Pastaŭlaje žyvy tavar dziaržaŭnaja słužba zaniataści.
I tam i tam poŭna ludziej z asablivaściami raźvićcia i prosta patałahičnych psichična cynikaŭ.
Finansava spravy mabyć pahanyja u abiedzvuch ustanoŭ, tamu i nie dziva, što fajier-šou u Biełarusi miečacca pamiž bataničnym i zaaparkam. Nastupny etap mabyć AZS albo naftabaza.