Dastali. Mytniki zaprasili mužčynu na asabisty nadhlad — toj aburyŭsia i raździeŭsia dahała
Ciapier jamu pahražaje kryminałka za chulihanstva.
Incydent adbyŭsia ŭ punkcie propusku «Kamienny Łoh» na biełaruska-litoŭskaj miažy.
Mytniki zahadali 59‑hadovamu mužčynu prajści na asabisty nadhlad.
«Mužčyna vyrašyŭ, što jamu nie pa dušy takija pravierki. Jon prajaviŭ hrubuju «inicyjatyvu»: padčas pracedury całkam ahaliŭsia pierad supracoŭnikami viedamstva», — piša kanał siłavikoŭ.
Za taki pratest na mužčynu zaviali kryminałku.
Na biełaruskaj miažy nadhlady, vobšuki pa palityčnych matyvach z raspranańniem dy inšymi varyjantami prynižeńnia ludziej stali zvyčajnaj spravaj.
Dniami pamiežny kamitet prapanavaŭ u Threads źviartacca z pytańniami da ich. Biełarusy najpierš zadali pytańni, kali spynicca biezzakońnie na miažy.