«Kali spyniacca dopyty?» Pamiežny kamitet prapanavaŭ u Threads źviartacca z pytańniami
Dziaržaŭny pamiežny kamitet Biełarusi apublikavaŭ u Threads post z zaklikam: «Płanujecie pierasiačeńnie biełaruskaj miažy? Zadavajcie pytańni!» Biełarusy i turysty adhuknulisia chvalaj vostrych zapytaŭ, jakija tyčylisia pravierak telefonaŭ, dopytaŭ i mihracyjnaha kryzisu. Na bolšaść niazručnych kamientaroŭ aficyjnych adkazaŭ niama.
Najbolš balučaj temaj dla kamientataraŭ stała praktyka pravierak hadžetaŭ i praviadzieńnia tak zvanych «razmoŭ».
«Kali spyniacca dopyty na miažy? Ludzi bajacca jeździć».
«Zhodna ź jakim zakonam vyklikajuć na «hutarki» i praviarajuć telefony? Jakija miery prymianiajucca da supracoŭnikaŭ, jakija parušajuć zakanadaŭstva i pieravyšajuć paŭnamoctvy?»
«Čamu mianie praz raz vyklikajuć na tak zvanyja «hutarki» i jak možna paźbiehnuć hetaj pracedury?»
«Ź jakich kaŭryžak ja pavinien davać moj telefon na miažy niejkamu hebniu i dazvalać čytać svaje pierapiski?»
«Jaki zakon dazvalaje pamiežnikam hladzieć biez sankcyi prakurora asabistyja hadžety hramadzian? I zatrymlivać za admovu ich razbłakiravać?»
Adna z karystalnic padzialiłasia navat dośviedam viartańnia na radzimu, u vyniku, «viartacca ŭ Biełaruś stała ahidna».
«Pakazvała paśviedčańnie na viartańnie ŭ Biełaruś, i pamiežniki navat nie zrazumieli, što heta takoje. Pačalisia durnyja pytańni. Nastupnym razam źviartajciesia da vyšejšaha kiraŭnictva abo padklučajcie suviazi. Telefon zabaranili hladzieć biez važkaj pryčyny. Zajmajucca aby-čym. Viartacca ŭ Biełaruś stała ahidna».
Akramia temy palityčnaha pieraśledu na miažy, biełarusy padniali pytańnie datyčnaści siłavikoŭ da stvareńnia štučnaha mihracyjnaha kryzisu na miežach ź Jeŭrasajuzam.
«Što za ludzi ŭ kamuflažy dapamahajuć natoŭpam nielehalnych mihrantaŭ šturmavać miežy krain ES? Jak vam udajecca nie zaŭvažać natoŭpy nielehalnych mihrantaŭ, jakija chodziać uzdoŭž miažy z drabinami, palać vohniščy i robiać padkopy?»
Taksama hramadzian cikaviła moŭnaje pytańnie i asablivaści pracy kantrolnych słužbaŭ.
«Ci vałodajecie vy biełaruskaj movaj? I ci karystajeciesia vy joj na słužbie?»
Takija repliki zastajucca pa-za ŭvahaj pres-słužby kamiteta. Šmat jakija vostryja kamientary pastupova źnikajuć.
Adnym z samych łajkanych staŭ kamientar: «Čamu fraza «Płanujecie pierasiačeńnie biełaruskaj miažy?» u vašym vykanańni hučyć jak pahroza?»
-
U Minsku pradajucca jahady pa 150 rubloŭ za kiłahram
-
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
-
Staŭ viadomy prysud padpałkoŭniku Čaramnych, jakoha abvinavačvali ŭ zdradzie dziaržavie i ŭ «raspalvańni varožaści» pry hetym
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary