Taliby dazvolili mužčynam žanicca ź dzieviacihadovymi dziaŭčynkami
Ruch «Taliban» u Afhanistanie admianiŭ minimalny šlubny ŭzrost dla dziaŭčat, paviedamlaje vydańnie The Times.
Fota: Elke Scholiers/Getty Images
Da prychodu da ŭłady talibaŭ u Afhanistanie minimalny ŭzrost dla zaklučeńnia šlubu składaŭ 16 hadoŭ, adnak hetaje ŭzrostavaje abmiežavańnie źniata. U toj ža čas, zhodna z traktoŭkaj najbujniejšaj i najstarejšaj sunickaj škoły isłamskaha prava, minimalny ŭzrost pałavoha vyśpiavańnia składaje dzieviać hadoŭ.
«Kali dziaŭčynka dasiahaje pałavoj śpiełaści va ŭzroście dzieviaci ci dziesiaci hadoŭ, to, zhodna z novym zakonam, jana dasiahnuła zakonnaha ŭzrostu dla ŭstupleńnia ŭ šlub», — raskazała žurnalistam afhanskaja pravaabaronca Choryja Masadyk.
Viarchoŭny lidar ruchu «Taliban» Chajbatuła Achundzada raniej zajaviŭ, što režym talibaŭ vyzvaliŭ afhanskich žančyn ad «tradycyjnaha pryhniotu» i viarnuŭ im status «svabodnych ludziej». Pry hetym padkreślivajecca, što Talibanam byli zroblenyja «nieabchodnyja kroki, kab zabiaśpiečyć žančynam kamfortnaje žyćcio i dabrabyt u adpaviednaści ź isłamskim šaryjatam», a raniejšyja prablemy žančyn byli źviazanyja z 20‑hadovaj amierykanskaj akupacyjaj.
Čytajcie taksama:
Achvotnym naviedać Afhanistan ciapier možna zrabić heta praściej
U Minsk pryjechała delehacyja ad afhanskich talibaŭ
U Afhanistanie z-pad zavałaŭ paśla ziemlatrusu najpierš ratavali mužčyn, a žančyn pakidali
Taliby masava zakryvajuć sałony pryhažości
U Afhanistanie zabaranili stavić vokny ŭ pamiaškańniach, jakija vykarystoŭvajucca žančynami