Pa słovach ministra pa zaachvočvańni dabračynnaści i praduchileńni zahany ŭ Afhanistanie Chalida Chanafa, u krainie darosłym musulmankam zabaraniajecca publična razmaŭlać ź inšymi pradstaŭnicami svajho połu. Zabaronu ŭklučyli ŭ pieršuju aficyjnuju dekłaracyju zakonaŭ talibaŭ «ab zahanach i vartaściach».
Dekłaracyju pryniali ŭ žniŭni 2024-ha. U joj na 114 staronkach u 35 artykułach vykładzienyja asnoŭnyja zakony, datyčnyja asnoŭnych aśpiektaŭ štodzionnaści žycharoŭ Afhanistana, jak hramadski transpart, muzyka, haleńnie i śviaty.
Siarod inšaha ŭ hetych zakonach havorycca, što «kali darosłaja žančyna pakidaje svoj dom pa nieabchodnaści, jana abaviazanaja chavać svoj hołas, tvar i cieła». Žančynam taksama zabaroniena śpiavać i čytać uhołas, navat nie vychodziačy z domu. Nielha čytać uhołas navat Karan.
U prahramie telekanała Amu TV havorycca, što žančyny Afhanistana i pravaabaroncy asudzili novyja zakony «Talibana», nazvaŭšy ich častkaj «žančynanienaviśnickaj» palityki.
Adna z surazmoŭnic telekanała, u pryvatnaści, raskazała, što zabarona miedrabotnikam-žančynam na znosiny z mužčynami, jakija supravadžajuć pacyjentaŭ-žančyn, abmiažoŭvaje mahčymaści pa akazańni miedycynskaj dapamohi.
Taliby ŭ Afhanistanie zabaranili žančynam śpiavać i čytać usłych
Pucin nazvaŭ Taliban sajuźnikam u zmahańni z teraryzmam. Arhanizacyja pryznanaja ŭ Rasii terarystyčnaj
Afhanskaja žurnalistka paśla admovy ŭ prytułku ŭ Rasii palacieła ŭ Kabuł. Na radzimie joj pahražaje śmiarotnaje pakarańnie
ADKB budzie dapamahać «Talibanu» ŭ baraćbie z teraryzmam
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary