Rubia: ZŠA prypynili trochbakovyja pieramovy z Ukrainaj i Rasijaj ab zaviaršeńni vajny
Dziaržaŭny sakratar ZŠA Marka Rubia na sustrečy ministraŭ zamiežnych spraŭ krain NATA ŭ Šviecyi zajaviŭ, što Vašynhton pakul nie bačyć sensu praciahvać sustrečy, jakija nie dajuć vyniku, piša The Guardian.
Marka Rubia. Fota: AP Photo/Julia Demaree Nikhinson
«My nie zacikaŭleny ŭciahvacca ŭ biaskoncy cykł pieramoŭ, jakija ni da čaho nie pryvodziać», — skazaŭ Marka Rubia.
Pry hetym jon padkreśliŭ, što ZŠA hatovy viarnucca da dyjałohu, kali źjavicca mahčymaść dla «kanstruktyŭnych i praduktyŭnych» pieramoŭ.
Taksama Rubia nazvaŭ fejkam čutki pra toje, što Vašynhton nibyta padšturchoŭvaje Ukrainu da peŭnaj pazicyi na pieramovach.
Pavodle jaho słoŭ, Ukraina atrymlivaje bolš dapamohi, čym kali-niebudź, praz prahramu PURL, u jakoj ZŠA praciahvajuć udzielničać.
Na dumku dziaržsakratara ZŠA, vajna «nie skončycca vajennaj pieramohaj adnaho z bakoŭ».
Marka Rubia taksama adkazaŭ na pytańnie pra abvinavačvańni z boku Rasii na adras krain Bałtyi. Raniej rasijskaja raźviedka zajaviła, što Ukraina nibyta rychtuje ŭdary pa Rasii z terytoryi Łatvii.
«My razumiejem, što hetyja krainy adčuvajuć pahrozu — pa całkam vidavočnych pryčynach. Tamu heta vyklikaje zaniepakojenaść, bo zaŭsiody jość ryzyka, što padobnyja rečy mohuć pieraraści ŭ niešta bolšaje, i takaja mahčymaść zaŭsiody isnuje», — zajaviŭ jon.
Pavodle słoŭ Rubia, ZŠA «ŭvažliva sočać» za situacyjaj i ŭzajemadziejničajuć u hetym pytańni z NATA.
Čytajcie taksama:
Rubia: Pieradysłakacyja amierykanskich vojskaŭ — «nie pakarańnie»
Rubia zajaviŭ, što Kuba pahroza dla ZŠA, Havana abvinavaciła jaho ŭ chłuśni
Rubia: Ukrainskaja armija ciapier samaja bajazdolnaja ŭ Jeŭropie
Marka Rubia palacieŭ u Kitaj u spartyŭnym kaściumie, jak u Madura