Tramp vyznačyŭsia, chto budzie novym kiraŭnikom amierykanskaj raźviedki

Vykonvać abaviazki dyrektara Nacyjanalnaj raźviedki ZŠA paśla adstaŭki Tułsi Habard maje stać 55‑hadovy Aaron Łukas. Jon pavinien aficyjna zaniać pasadu z 30 červienia.

Aaron Łukas

Pra Aarona Łukasa viadoma niašmat, ale jon prafiesijny raźviedčyk ź vialikim stažam. Bolš za 20 hadoŭ hety čałaviek pracavaŭ u śfiery raźviedki, u tym liku ŭ CRU, dzie zajmaŭsia sakretnymi apieracyjami ŭ roznych rehijonach śvietu. Značnaja častka jaho dziejnaści tak i zastajecca zasakrečanaj.

Apošnim časam jon byŭ pieršym namieśnikam byłoj dyrektarki Nacyjanalnaj raźviedki Tułsi Habard, ale nie ličycca jaje blizkim čałaviekam ci prateže. Jaho chutčej charaktaryzujuć jak karjernaha śpiecyjalista, jaki dobra viedaje, jak uładkavanaja sistema raźviedki znutry.

Akramia pracy ŭ śpiecsłužbach, Łukas mieŭ dośvied i ŭ dziaržaŭnym kiravańni: u 2020—2021 hadach, padčas pieršaj administracyi Donalda Trampa, jon pracavaŭ u Radzie nacyjanalnaj biaśpieki i zajmaŭsia pytańniami Jeŭropy i Rasii.

U cełym novy kiraŭnik amierykanskaj raźviedki vyhladaje daśviedčanym i prafiesijnam śpiecyjalistam, ale pakul niezrazumieła, nakolki jaho pryznačeńnie paŭpłyvaje na palityku ZŠA ŭ śfiery biaśpieki.

Kamientary da artykuła