Rubia: ZŠA prypynili trochbakovyja pieramovy z Ukrainaj i Rasijaj ab zaviaršeńni vajny
Dziaržaŭny sakratar ZŠA Marka Rubia na sustrečy ministraŭ zamiežnych spraŭ krain NATA ŭ Šviecyi zajaviŭ, što Vašynhton pakul nie bačyć sensu praciahvać sustrečy, jakija nie dajuć vyniku, piša The Guardian.
«My nie zacikaŭleny ŭciahvacca ŭ biaskoncy cykł pieramoŭ, jakija ni da čaho nie pryvodziać», — skazaŭ Marka Rubia.
Pry hetym jon padkreśliŭ, što ZŠA hatovy viarnucca da dyjałohu, kali źjavicca mahčymaść dla «kanstruktyŭnych i praduktyŭnych» pieramoŭ.
Taksama Rubia nazvaŭ fejkam čutki pra toje, što Vašynhton nibyta padšturchoŭvaje Ukrainu da peŭnaj pazicyi na pieramovach.
Pavodle jaho słoŭ, Ukraina atrymlivaje bolš dapamohi, čym kali-niebudź, praz prahramu PURL, u jakoj ZŠA praciahvajuć udzielničać.
Na dumku dziaržsakratara ZŠA, vajna «nie skončycca vajennaj pieramohaj adnaho z bakoŭ».
Marka Rubia taksama adkazaŭ na pytańnie pra abvinavačvańni z boku Rasii na adras krain Bałtyi. Raniej rasijskaja raźviedka zajaviła, što Ukraina nibyta rychtuje ŭdary pa Rasii z terytoryi Łatvii.
«My razumiejem, što hetyja krainy adčuvajuć pahrozu — pa całkam vidavočnych pryčynach. Tamu heta vyklikaje zaniepakojenaść, bo zaŭsiody jość ryzyka, što padobnyja rečy mohuć pieraraści ŭ niešta bolšaje, i takaja mahčymaść zaŭsiody isnuje», — zajaviŭ jon.
Pavodle słoŭ Rubia, ZŠA «ŭvažliva sočać» za situacyjaj i ŭzajemadziejničajuć u hetym pytańni z NATA.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Paśla uikenda v marałahie ci ranicaj pačujem novaje )))