Zialenski prainfarmavaŭ jeŭrapiejskich lidaraŭ pra rasijskija płany adnosna Biełarusi
Prezident Ukrainy Uładzimir Zialenski paviedamiŭ pra svaju razmovu pa videasuviazi z premjer-ministram Vialikabrytanii Kiram Starmieram, prezidentam Francyi Emanuelem Makronam i fiederalnym kancleram Hiermanii Frydrycham Miercam. Jon admysłova adznačyŭ, što «asobna prainfarmavaŭ lidaraŭ pra rasijskija płany adnosna Ukrainy, Biełarusi i inšych kirunkaŭ u Jeŭropie».
Uładzimir Zialenski. Fota: Ofis prezidenta Ukrainy
«Usio, što tyčycca ich palityčnych i vajennych namieraŭ, my adsočvajem. Našy kamandy na ŭzroŭni raźviedak bolš detalova abmianiajucca najaŭnaj infarmacyjaj», — adznačyŭ Zialenski.
Fota: Ofis prezidenta Ukrainy
Siarod inšaha padčas hetaj sustrečy jeŭrapiejskija lidary abmierkavali ź Zialenskim i pytańnie kamunikacyi z amierykanskim bokam.
«Usie partniory adznačajuć, što pazicyja Ukrainy značna macniejšaja — jak na poli boju, tak i ŭ našaj dalnabojnaści. Heta važna, i mienavita taki naš cisk moža zaachvocić da pravilnaj i dziejsnaj dypłamatyi», — zajaviŭ prezident Ukrainy.
Najbližejšym časam zapłanavanaja sustreča daradcaŭ pa pytańniach nacyjanalnaj biaśpieki hetych krain.
Čytajcie taksama:
Zialenski jašče raz papiaredziŭ Łukašenku pra nastupstvy ŭstupleńnia ŭ vajnu
Łukašenka zajaviŭ pra hatoŭnaść pryjechać u Kijeŭ
Ministr zamiežnych spraŭ Ukrainy anansavaŭ vizit Cichanoŭskaj u Kijeŭ
Kiraŭnik MZS Ukrainy: My znachodzimsia na pierałomnym momancie vajny
Ukraina pryznačyła adkaznaha za supracoŭnictva ź Biełaruśsiu