Heta dyrektar Prahramy rasijskich i biełaruskich daśledavańniaŭ Rady źniešniaj palityki «Ukrainskaja pryzma» Jarasłaŭ Čarnahor.
Ministr zamiežnych spraŭ Andrej Sibiha pryznačyŭ dyrektara Prahramy rasijskich i biełaruskich daśledavańniaŭ Rady źniešniaj palityki «Ukrainskaja pryzma» Jarasłava Čarnahora na pasadu, stvoranuju dla ŭzajemadziejańnia ź biełaruskaj apazicyjaj, piša «Ukrainskaja praŭda».
Jarasłaŭ Čarnahor zojmie pasadu pasła ŭ asablivych daručeńniach pa pytańniach demakratyčnych transfarmacyj, uzajemadziejańnia z demakratyčnymi siłami i nacyjanalnymi ruchami niedružalubnych krain.
U studzieni Uładzimir Zialenski anansavaŭ ideju stvareńnia pasady śpiecpradstaŭnika pa Biełarusi.
Pavodle danych «Jeŭrapiejskaj praŭdy», pošuk kandydata zaciahnuŭsia, z-za čaho ŭ sakaviku byŭ adkładzieny anansavany vizit u Kijeŭ Śviatłany Cichanoŭskaj.
Pryznačeńnie Jarasłava Čarnahora na pasadu pasła ŭ MZS dazvolić, nie čakajučy hetaha pryznačeńnia, palepšyć uzajemadziejańnie ź biełaruskaj apazicyjaj, uličvajučy paciapleńnie ŭ adnosinach pamiž joj i aficyjnym Kijevam, piša UP.
Jarasłaŭ Čarnahor — kandydat histaryčnych navuk. Tematyka jaho daśledavańniaŭ achoplivaje aktualnyja pytańni źniešniaj palityki Ukrainy, infarmacyjnaj biaśpieki, supraćdziejańnia rasijskaj prapahandzie i dezynfarmacyi, a taksama analityku pa vyvučeńni Biełarusi i Rasii, palityčnych pracesaŭ u hetych krainach i ich dalejšaj transfarmacyi.
Najbolš vierahodna, što hetaje pryznačeńnie taksama razbłakuje padrychtoŭku da vizitu.
Raniej pradstaŭnik Ministerstva zamiežnych spraŭ Hieorhij Cichi zajaŭlaŭ, što pryznačeńnie śpiecpradstaŭnika pa Biełarusi dazvolić lepš skaardynavać «cisk na režym, niejtralizacyju pahroz, jakija ad jaho zychodziać, i padtrymku demakratyčnych biełarusaŭ, jakija chočuć žyć u demakratyčnaj jeŭrapiejskaj Biełarusi».
-
Pajšoŭ u bankructva viadomy biełaruski vytvorca vieterynarnych preparataŭ
-
Na bierazie Kamsamolskaha voziera narešcie zaviaršajuć 15‑hadovy daŭhabud. Užo idzie zapis na zakryty start prodažaŭ
-
Były ślesar vajskovaj čaści ŭ Pleščanicach išoŭ na rekord pa kolkaści sudzimaściaŭ — ale źnik u pieršym ža miasnym šturmie
Ciapier čytajuć
Aryštavali pradstaŭnikoŭ kampanii Bayer u Biełarusi1
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary