Tramp zaŭtra vyrašyć, ci praciahniecca dalej vajna ź Iranam
U intervju vydańniu Axios prezident ZŠA Donald Tramp skazaŭ, što mahčymyja dva scenary: albo budzie dasiahnuta «dobraja ździełka» z Tehieranam, albo ZŠA naniasuć pa Iranie «ŭdar macniejšy, čym kali-niebudź raniej».
Donald Tramp. Fota: Chip Somodevilla / Getty Images
Vierahodnaść zaklučeńnia damovy pamiž ZŠA i Iranam abo adnaŭleńnia vajennych dziejańniaŭ składaje, jak ličyć Donald Tramp, prykładna 50 na 50.
Rašeńnie adnosna dalejšych dziejańniaŭ — u tym liku mahčymaści adnaŭleńnia vajennaha supraćstajańnia — moža być pryniata ŭžo 24 maja.
Tramp taksama paviedamiŭ, što 23 maja jon pavinien pravieści sustreču sa svaimi pierahavorščykami, kab abmierkavać apošniuju mirnuju prapanovu z boku Irana. U pieramovach, pavodle jaho słoŭ, pavinny ŭdzielničać jaho śpiecpasłańnik Styŭ Uitkaf i ziać Džared Kušnier, a taksama moža dałučycca vice-prezident Džej Dzi Vens.
Čytajcie taksama:
Tramp apublikavaŭ kartu Irana ŭ kolerach ściaha ZŠA
Tramp zvolniŭ kiraŭnicu raźviedki
Madžtaba Chamieniei zabaraniŭ vyvozić ź Irana ŭzbahačany ŭran
Tramp i Nietańjachu razyšlisia ŭ dumkach nakont situacyi na Blizkim Uschodzie