Tramp i Nietańjachu razyšlisia ŭ dumkach nakont situacyi na Blizkim Uschodzie
«U Nietańjachu vałasy hareli», — kaža adna z krynic.
Prezident ZŠA Donald Tramp i premjer Izraila Bińjamin Nietańjachu ŭčora padčas telefonnaj razmovy abmierkavali novyja kroki dla dasiahnieńnia pahadnieńnia ź Iranam, piša Axios sa spasyłkaj na try krynicy.
Adzin z surazmoŭcaŭ vydańnia acharaktaryzavaŭ stan Nietańjachu paśla razmovy frazaj: «u jaho vałasy hareli». Jašče adna krynica skazała, što «Bibi byŭ u lutaści».
Pavodle danych Axios, Nietańjachu skieptyčna stavicca da pieramovaŭ. Jon choča adnavić vajennyja dziejańni, kab jašče bolš asłabić vajenny patencyjał Tehierana i padarvać režym praź źniščeńnie krytyčna važnaj infrastruktury.
Tramp ža, piša vydańnie, praciahvaje śćviardžać, što ździełka mahčymaja, ale zajaŭlaje pra poŭnuju hatoŭnaść viarnucca da vajny, kali kampramis nie budzie znojdzieny. Tramp taksama adznačyŭ, što Nietańjachu «zrobić usio, što ja ad jaho chaču» adnosna Irana, choć i padkreśliŭ, što ŭ ich dobryja adnosiny.
Ciaham apošnich niekalkich dzion Pakistan, Katar, Saudaŭskaja Aravija, Turcyja i Jehipiet pracavali nad dapracoŭkaj mirnaj prapanovy.
Hałoŭnaja meta novych namahańniaŭ — atrymać ad irancaŭ bolš kankretnyja abaviazacielstvy adnosna ich jadziernaj prahramy, a ad ZŠA — vyraznyja paramietry pastupovaha razmarožvańnia iranskich srodkaŭ.
Pry hetym usie krynicy padkreślivajuć, što pakul niezrazumieła, ci pahodzicca Iran na hety varyjant.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary