Abnavili kartu plažaŭ, dzie dazvolena kupacca
MNS Biełarusi abnaviła kartu aficyjnych plažaŭ, dzie dazvolena kupańnie i jakija ličacca biaśpiečnymi dla adpačynku kala vady.
Zdymak ilustracyjny. Fota: «Naša Niva»
Heta śpiecyjalny servis, jaki isnuje ŭžo niekalki hadoŭ i štohod abnaŭlajecca, kab ludzi mahli vybirać abstalavanyja i pravieranyja miescy dla kupańnia. Karta dastupnaja ŭ servisie «Jandeks» i dapamahaje chutka znajści dazvolenyja zony adpačynku.
Usiaho pa krainie takich aficyjnych plažaŭ kala 500, a ŭ Minsku — 23. Hety status aznačaje, što vada i dno tam pravieranyja i ačyščanyja, zona abstalavanaja bujami, kabinkami dla pieraapranańnia, cieniavymi naviesami, a taksama tam abaviazkova dziažurać ratavalniki.
Kupalny siezon u Biełarusi aficyjna pačaŭsia 1 maja, ale aktyŭny adpačynak la vady zvyčajna pačynajecca z paciapleńniem u siaredzinie miesiaca. Abnoŭlenaja karta pavinna dapamahčy ludziam vybirać biaśpiečnyja miescy dla adpačynku letam.
Taksama MNS nahadvaje pra praviły biaśpieki: nielha kupacca ŭ stanie ałkaholnaha apjanieńnia, zapłyvać za bui, skakać u vadu ŭ nieznajomych miescach abo čaplacca za łodki. Asablivuju ŭvahu prosiać nadavać dzieciam i nie pakidać ich biez nahladu kala vady.
Čytajcie taksama:
Kaniec maja budzie prachałodnym, vilhotnym i niestabilnym
«Chruščy lezuć u vokny i ablaplajuć lichtary». Navukoŭcy patłumačyli ich našeście