11‑ja kłasy zakančvaje kala 58 tysiač vučniaŭ, a dziaviatyja — 101 tysiača.
U Minsku śviata apošniaha zvanka projdzie ŭ farmacie ŭračystych liniejek 23 maja. Jany pačnucca va ŭsich ustanovach adukacyi a 10:00, pišuć Minsk-naviny.
A 12:30 vypuskniki ŭskładuć kvietki da steły «Minsk — horad-hieroj».
A ŭviečary ŭ «Minsk-Arenie» projdzie haradskoje śviata «Apošni zvanok» dla vypusknikoŭ 11‑ch kłasaŭ. Chedłajnieram budzie rasijski pop– i rep-vykanaŭca Loša Śvik. Pačatak kancerta — a 17:00.
Da pačatku i paśla zakančeńnia śviata praduhledžana pavieličeńnie kolkaści hramadskaha transpartu.
Vypusknyja ekzamieny dla 9‑ch kłasaŭ projduć z 1 pa 10 červienia: biełaruskaja mova (pierakaz), ruskaja mova (pierakaz), matematyka (kantrolnaja rabota), historyja Biełarusi (pa biletach u vusnaj formie).
Dla vypusknikoŭ 11‑ch kłasaŭ vynikovyja vyprabavańni pravodziacca ŭ formie centralizavanaha ekzamienu: CE pa pradmiecie na vybar — 26 maja, CE pa ruskaj abo biełaruskaj movie (na vybar vučnia) — 29 maja.
Kamientary