Śviatłana Cichanoŭskaja ŭšanavała ŭ Kijevie pamiać zahinułych hierojaŭ
Padčas svajho vizitu ŭ Kijeŭ lidarka biełaruskich demakratyčnych sił Śviatłana Cichanoŭskaja i ministr zamiežnych spraŭ Ukrainy Andrej Sibiha ŭšanavali pamiać zahinułych hierojaŭ, u tym liku biełaruskich dobraachvotnikaŭ, kala Ściany pamiaci.
Śviatłana Cichanoŭskaja ŭ svaim vystupleńni ŭzhadała biełaruskich i ukrainskich hierojaŭ, jakija addali žyćci za svabodu, i padkreśliła, što Ukraina zmahajecca nie tolki za siabie, ale i za ahulnuju budučyniu rehijona:
«My schilajem hałovy pierad kožnym, chto staŭ na abaronu svajoj krainy, svajho naroda i ahulnych kaštoŭnaściaŭ svabody i hodnaści.
Bolš za 80 biełarusaŭ užo zahinuli ŭ hetaj vajnie. My pamiatajem kožnaha. Ich imionami buduć nazvanyja vulicy ŭ volnaj Biełarusi. Jany abaraniajuć nie tolki Ukrainu — jany abaraniajuć honar biełaruskaha naroda i zmahajucca za našu ahulnuju svabodu.
My taksama pamiatajem pra tych, chto siońnia znachodzicca ŭ rasijskim pałonie. Pra tych vieteranaŭ i dobraachvotnikaŭ, jakija stracili zdaroŭje, prajšli praz ranieńni i vyprabavańni. I naš abaviazak — padtrymlivać ich i ich siemji.
Ukraina siońnia — prykład mužnaści, stojkaści i hodnaści dla ŭsiaho rehijona. I ja chaču padziakavać ministru Andreju Sibihu i ŭkrainskaj dypłamatyi za pryncypovaść, rašučaść i viernaść svajoj krainie».
Pierad hetym Sibiha pakazaŭ źniščanuju rasiejskuju techniku, jakaja vystaŭlenaja na Michajłaŭskaj płoščy:
«Voś tak vyhladaje razburany mif pra rasijskuju ŭsiomahutnaść».
Razam sa Śviatłanaj Cichanoŭskaj u cyrymonii ŭdzieł uziali pradstaŭniki Abjadnanaha pierachodnaha kabinieta Pavieł Łatuška i Volha Zazulinskaja, kiraŭnik aparatu APK Valeryj Mackievič, śpikier Kaardynacyjnaj Rady Arciom Bruchan, a taksama pradstaŭnica demakratyčnych siłaŭ va Ukrainie Śviatłana Šacilina.
Cichanoŭskaja naviedała Čarnobylskuju AES
Miedźviadčuk: Zialenski sprabuje ŭciahnuć Minsk u vajnu, adkinuŭšy Łukašenku i zaprasiŭšy Cichanoŭskuju
«Volny Kijeŭ — Svabodny Minsk». Cichanoŭskaja prademanstravała čyhunačny kvitok FOTAFAKT
Cichanoŭskaja pra ŭdary Rasii pa Ukrainie: Kožny taki ŭdar tolki jašče raz pakazvaje sapraŭdnuju sutnaść pucinskaha režymu
Cichanoŭskaja pryjechała na mohiłki da Maryi Zajcavaj
Cichanoŭskuju vitali kvietkami na vakzale ŭ Kijevie
Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
My taksama pamiatajem pra tych, chto siońnia znachodzicca ŭ rasijskim pałonie. Pra tych vieteranaŭ i dobraachvotnikaŭ, jakija stracili zdaroŭje, prajšli praz ranieńni i vyprabavańni. I naš abaviazak — padtrymlivać ich i ich siemji.”
Dobra skazana. I naviedać Kijeŭ z aficyjnym vizitam heta ŭčynak.