«Biełtelekam» pavyšaje niekatoryja taryfy

Novyja rascenki, jakija nabuduć moc z 1 červienia, užo apublikavanyja na aficyjnym sajcie kampanii.

Zdymak ilustracyjny

Z pačatku leta pieradača ŭnutranych telehram (za słova) padaražeje da 0,08 rubla (raniej — 0,07 rubla). Pa pryjomie zvyčajnaj telehramy košt składzie 4,7 rubla.

Padaražejuć i niekatoryja dadatkovyja servisy. Naprykład, paviedamleńnie ab uručeńni telehramy budzie kaštavać 1,7 rubla zamiest 1,5 rubla. Dapłata za afarmleńnie telehramy pa telefonie abydziecca ŭ 0,9 rubla. Vydača zaśviedčanaj kopii telehramy pavialičycca da 0,20 rubla. Dla arhanizacyj i biznesu košt adnaho słova ŭ anałahičnym paviedamleńni składzie 0,09 rubla.

Daražejšaj stanie i sama pracedura pryjomu: za afarmleńnie zvyčajnaj telehramy z pryvatnaha klijenta voźmuć 4,7 rubla, a z pradpryjemstva — 3,77 rubla.

Kamientary da artykuła