«Biełtelekam» abjaviŭ pra adklučeńnie taksafonaŭ, ale i paśla dedłajnu doŭha nie padymałasia ruka. Narešcie ŭsio ž navažylisia
Pačynajučy z krasavika, «Biełtelekam» usio ž pačaŭ adklučać taksafony ŭ Minsku. Adbyłosia heta bolš čym na dva miesiacy paźniej za pieršapačatkova zajaŭlenyja terminy, zaŭvažyła vydańnie Blizko.by.
«Biełtelekam» u kancy minułaha hoda paviedamlaŭ, što adklučyć ich z 20 studzienia, ale čamuści hetaha nie adbyłosia.
Navat paśla hetaj daty Blizko.by rehularna abzvońvaŭ taksafony kala Hałoŭpaštamta i na stancyjach mietro «Uschod», «Maskoŭskaja», «Piatroŭščyna», «Uručča», «Instytut kultury» i inšych. Zvanok prachodziŭ, atrymlivałasia zrabiić vyklik i pahavaryć.
U paniadziełak 30 sakavika žurnalisty jašče telefanavali na taksafon u padziemnym pierachodzie stancyi mietro «Piatroŭščyna». A adrazu paśla hetaha źjaviłasia tablička: taksafony adklučać z 1 krasavika.
I sapraŭdy, pravieranyja niekalki taksafonaŭ užo nie pracujuć. U trubcy niama hudka. A pry sprobie dazvanicca na taksafon albo iduć doŭhija hudki, albo vydajecca paviedamleńnie, što zvanok nie moža być ździejśnieny.
Tamu ciapier možna dakładna skazać: epocha praciahłaściu bolš čym u 90 hadoŭ narešcie skončyłasia.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary