Valfovič: Za tydzień 116 ukrainskich dronaŭ zalacieła ŭ Biełarusi
Sproby pierasiačeńnia ŭkrainskimi BPŁA biełaruskaj miažy fiksujucca praktyčna štodnia, tolki za apošni tydzień ich było 116. Pra heta paviedamiŭ dziaržaŭny sakratar Rady biaśpieki Biełarusi Alaksandr Valfovič 26 maja ŭ Maskvie na pasiadžeńni Kamiteta sakrataroŭ rady biaśpieki ADKB, paviedamlaje BiełTA.
Alaksandr Valfovič. Fota: vvmvdrb / Telegram
«Štodnia našymi srodkami SPA fiksujecca rehularnaje pierasiačeńnie hranicy Biełarusi i Ukrainy bajavymi BPŁA i ich padzieńnie na našy terytoryi. U niekatorych vypadkach heta nie vypadkovyja ataki, a sproby parazić elemienty pamiežnaj infrastruktury, prykryvajučysia nibyta vypadkovymi zalotami. Tolki za apošni tydzień ich było 116. Dziažurnyja siły pa ich prymianialisia 59 razoŭ», — skazaŭ Alaksandr Valfovič.