Rasija ŭklučyła mahutny REB-«mahnit» u Kalininhradzie? Mahčyma ŭ tym pryčyna, čamu apošnija dni bajavyja drony masava zalatajuć u Biełaruś
Brytanskija ŚMI pišuć, što centralny pieradatčyk hetaj sistemy źbivaje kurs palotu bieśpiłotnikaŭ u zachodnim kirunku.
Brytanskaja hazieta The Telegraph paviedamiła, što Rasija, mahčyma, vykarystoŭvaje śpiecyjalnyja technałohii dla ŭpłyvu na navihacyju ŭkrainskich dalnabojnych dronaŭ.
Pavodle materyjału, havorka idzie nie pra pramy «pierachop kiravańnia», a pra stvareńnie pieraškod dla spadarožnikavaj navihacyi (GPS/GNSS). Sutnaść jaho ŭ tym, što sihnał spačatku hłušycca, a potym padmianiajecca falšyvymi kaardynatami. U vyniku dron moža «ličyć», što znachodzicca ŭ inšym miescy, i źmianiać kurs — naprykład, adchilacca ŭ bok krain Bałtyi abo Finlandyi.
Vydańnie śćviardžaje, što centram takoj sistemy moža być mahutny pieradatčyk u Kalininhradskaj vobłaści, jaki ŭžo niekalki hadoŭ, pavodle roznych acenak, stvaraje GPS-pieraškody ŭ Bałtyjskim rehijonie. Ekśpierty taksama adznačajuć, što padobnyja technałohii mohuć upłyvać nie tolki na kaardynaty, ale i na ŭnutrany čas navihacyjnaj sistemy, što moža pryvieści da zbojaŭ u pracy drona abo navat jaho poŭnaj adklučki.
Praŭda, The Telegraph nie pryvodzić poŭnych techničnych dokazaŭ. Materyjał zasnavany na analizie incydentaŭ u rehijonie, mierkavańniach śpiecyjalistaŭ i danych, jakija, pavodle niekatorych ekśpiertaŭ, pakazvajuć prykmiety tak zvanaha spoofing (padmieny GPS-sihnału) kala estonskaj miažy.
Padobnyja śćviardžeńni hučali i raniej: krainy Bałtyi abvinavačvali Rasiju ŭ pieranakiravańni dronaŭ. U Rasii, u svaju čarhu, śćviardžajuć, što Ukraina nibyta moža vykarystoŭvać terytoryju Bałtyi dla zapusku dronaŭ.Sami bałtyjskija krainy i krainy Paŭnočnaj Jeŭropy admaŭlajuć śviadomaje vykarystańnie svajoj terytoryi dla atak i nazyvajuć supraćlehłyja zajavy dezynfarmacyjaj.
U Łatvii niepadalok ad miažy ź Biełaruśsiu ŭ voziera hrymnuŭsia dron
Na Sieńnienščynie ŭpaŭ bieśpiłotnik
U Litvie znoŭ abviaščali pavietranuju tryvohu
MZS vyklikała časovaha pavieranaha Litvy, zajaŭlaje pra parušeńnie miažy ŭkrainskim bieśpiłotnikam
Drony zalatajuć u Biełaruś amal štodnia, pryznali ŭ vojsku
Ministr abarony Estonii paviedamiŭ, što siły SPA ŭpieršyniu źbili bieśpiłotnik
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ88
Kamientary