Va Ukrainie adkazali Valfoviču adnosna 116 bieśpiłotnikaŭ za tydzień
Kamientujučy zajavu dziaržaŭnaha sakratara Rady biaśpieki Biełarusi Alaksandra Valfoviča pra nibyta štodzionnyja sproby pierasiačeńnia ŭkrainskimi bieśpiłotnikami miažy Biełarusi, ukrainskija pamiežniki zajavili, što jahonyja słovy — absurdnyja, piša «Ukrainskaja praŭda».
Andrej Dziemčanka. Fota: «Ukrinfarm»
Pres-sakratar Dziaržaŭnaj pamiežnaj słužby Ukrainy Andrej Dziemčanka adznačyŭ, što hetyja słovy Alaksandra Valfoviča — čarhovaja sproba Biełarusi abvinavacić u čymści Ukrainu i pierakłaści na jaje adkaznaść.
«Šmat niejkich absurdnych słoŭ pra situacyju va Ukrainie i što štodnia jany srodkami SPA fiksujuć rehularnaje pierasiačeńnie miažy z našaj dziaržavy bajavymi BPŁA. Tolki za apošni tydzień «naličyli» 116. U mianie pytańnie — heta ž kolki davodziłasia siabie strymlivać, kab maŭčać pra takija «pravakacyi» ŭkraincaŭ. I da taho ž ich SPA, peŭna, moža fiksavać tolki ŭkrainskija srodki, bo toje, što zalataje va Ukrainu ź Biełarusi, jany čamuści nie fiksujuć».
Čytajcie taksama:
Valfovič: Za tydzień 116 ukrainskich dronaŭ zalacieła ŭ Biełarusi
Za apošnija sutki ŭ Biełaruś jak minimum try razy zalacieli rasijskija drony