Upaŭ na vačach pieršakłaśnikaŭ — novyja padrabiaznaści padzieńnia motadeltapłana
Učora ŭdzień, 14 krasavika, pobač z muziejem u Stročycach raźbiŭsia motadeltapłan. U vyniku krušeńnia zahinuli piłot Rusłan Ivanoŭ i jaho 26‑hadovaja pasažyrka. Śviedkami trahiedyi stali pieršakłaśniki adnoj ź minskich škoł, jakija pryjechali ŭ toj dzień u muziej etnahrafii na ekskursiju. Pra heta žurnalistu Onlíner raspavioŭ baćka adnaho sa školnikaŭ.
— Učora majo dzicia było na ekskursii ŭ etnahrafičnym muziei ŭ Stročycach. Jak ja zrazumieŭ, tudy pavieźli žadajučych z usioj paraleli. Kali my išli ź dziciom dadomu, jon pačaŭ raspaviadać, što padčas ekskursii bačyŭ, jak uźlataŭ, a potym padaŭ deltapłan, jak paśla pryjechali chutkija. Spačatku ja padumaŭ, što dzicia prosta pierakazvaje niejki siužet z hulni, ale viečaram, pačytaŭšy naviny, zrazumieŭ, što dzieci bačyli ŭsio ŭ realnaści.
Nastaŭnica, jakaja supravadžała dziaciej padčas ekskursii, udakładniła, što ŭ pajezdcy byli nie tolki pieršakłaśniki, ale i vučni druhich kłasaŭ.
— My stajali kala viaskovaj škoły, kali ŭźlacieŭ motadeltapłan. Dzieci, naturalna, stali sačyć za palotam. Litaralna praź siekund dvaccać jon staŭ rezka źnižacca. Było zrazumieła, što jon padaje. My znachodzilisia dosyć daloka ad taho miesca, tamu tolki čuli huk udaru aparata ab ziamlu. My prabyli na ekskursii jašče chvilin dvaccać i źjechali. Bačyli tolki, jak da taho miesca imčalisia chutkija i ratavalniki. Žachliva, viadoma, uśviedamlać, što ty staŭ śviedkam takoj trahiedyi…
Aerakłub «Avija-Miensk» raźmieščany ŭ ahraharadku Aziarco na terytoryi Biełaruskaha dziaržaŭnaha muzieja narodnaj architektury i pobytu. Jaho ŭźlotna-pasadačnaja pałasa znachodzicca trochi ŭ baku ad ekskursijnych maršrutaŭ.
— Učora ŭ nas było 13 ekskursijnych hrup, — raspaviali ŭ muziei. — U hrupach zvyčajna byvaje ad 12 da 25 dziaciej. Učora ja nie pracavała, ale dakładna viedaju, što ekskursijnyja maršruty nie prachodzili blizka da miesca padzieńnia — kala młyna.
— My nie zmahli dazvanicca da zasnavalnika aerakłuba Dźmitryja Matkoŭskaha — abodva jaho numary niedastupnyja z samaj ranicy. Nie padkažacie, što z palotami zaraz? — spytali karespandenty.
— Usio, što nam viadoma, — heta toje, što paloty prypynienyja na niavyznačany termin.
Motadeltapłan raźbiŭsia ŭ rajonie 15 hadzin u kancy ŭźlotna-pasadačnaj pałasy, niepadalok ad młyna. U vyniku padzieńnia zahinuli piłot Rusłan Ivanoŭ i jaho 26‑hadovaja pasažyrka.
«Raźbilisia niepadalok ad młyna». Što kažuć miascovyja pra deltapłan, jaki raźbiŭsia ŭčora
Piłot, jaki raźbiŭsia na deltapłanie pad Minskam, — hitaryst hurta «Ćviet Ałoe»
Piłot vyvaliŭsia, pasažyrka zastałasia ŭ niebie adna — padrabiaznaści katastrofy z deltapłanam pad Minskam
Pad Minskam dva čałavieki raźbilisia na deltapłanie
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca15
Kamientary