Biełaruś — najbujniejšy imparcior rasijskaha vina
Pa vynikach minułaha hoda Biełaruś stała najbujniejšym imparcioram rasijskaha vina. Jak paviedamlaje RBK, za 2025 hod pryrost jaho impartu ŭ tonach skłaŭ 3,6% (da 1,2 tysiačy ton), a ŭ hrašach — 28,3% (da 2,334 miljona dalaraŭ).
Zdymak ilustracyjny. Fota: darsik.com
Za 2025 hod Biełaruś abyšła Kazachstan, prodažy rasijskaj pradukcyi ŭ jakim źmienšylisia na 12,6%.
Top-5 imparcioraŭ rasijskich vin pa vynikach minułaha hoda taki:
- Biełaruś — 2,3 miljona dalaraŭ (+28,3%);
- Kitaj — 1,6 miljona (+35,7%);
- Kazachstan — 1,5 miljona (+1,8%);
- Kyrhyzstan — 0,4 miljona (+69%);
- Turcyja — 0,4 miljona (8,2%).
Možna mierkavać, što ŭ rasijskaj vinnaj pradukcyi častku składaje taja, jakaja vyrablajecca na terytoryi anieksavanaha ŭkrainskaha Kryma.
Čytajcie taksama:
U Biełarusi zapuściać rasijskuju sistemu, jakaja prezientujecca jak anałah Starlink
Biełaruś stała hałoŭnym kanałam dla ŭvozu impartnaha piva ŭ Rasiju
Biełaruś zachoŭvaje druhuju pazicyju pa eksparcie kaliju ŭ Kitaj
Biełaruś adzin z asnoŭnych imparcioraŭ rasijskich syroŭ i tvarahu