Paplečnik Pietera Madźjara, videa z pałymianym tancam jakoha skaryła sacsietki, paŭtaryŭ jaho i na inaŭhuracyi VIDEA
Adrazu paśla pieramohi partyi «Cisa» na parłamienckich vybarach u Vienhryi 12 krasavika 2026 hoda śviet ablacieła videa, jak adzin z paplečnikaŭ Pietera Madźjara Žołt Chiehiedziuš pa-zalichvacku tančyć na prynahodnym mitynhu. 9 maja jon jaho paŭtaryŭ na inaŭhuracyi novaha ŭrada na čale z Madźjaram paśla pryznačeńnia ministram achovy zdaroŭja.
Hetym razam tancy pačalisia adrazu paśla pieršaj pramovy Pietera Madjara ŭ jakaści premjer-ministra na viečarynie partyi «Cisa» z nahody źmieny režymu.
Hetym razam usio, adnak, było kudy mienš spantanna: na miescy prysutničała aŭtarka pieśni, anhlijskaja śpiavačka Jalja, jakaja ŭžyvuju vykanała remiks na kampazicyju The Hanging Tree.
Jak tolki zahučała miełodyja, Chiehiedziuš padniaŭsia pa schodach parłamienta razam ź Pieteram Madźjaram i paŭtaryŭ svajo tancavalnaje šou, jakoje ŭ jaho vykanańni ŭžo bačyli ŭ noč vybaraŭ.
The new government of Hungary after inauguration.
Never been so cool to be Hungarian. pic.twitter.com/9B4f1P6opA
Žołt Chiehiedziuš pa adukacyi doktar, artapied-chirurh. Jon naradziŭsia ŭ 1969 hodzie. Atrymaŭšy adukacyju na radzimie, paśla doŭhi čas pracavaŭ u Vialikabrytanii, dzie zajmaŭ kiraŭničyja pasady ŭ artapiedyčnych adździaleńniach klinik i śpiecyjalizavaŭsia na apieracyjach na tazaściehnavych i kalennych sustavach.
Paśla viartańnia ŭ Vienhryju ŭ 2015 hodzie praciahvaŭ miedycynskuju praktyku ŭ niekalkich klinikach, a taksama pracavaŭ u Nacyjanalnym instytucie spartyŭnaj miedycyny. Akramia praktyčnaj pracy, jon udzielničaŭ u prafiesijnych miedycynskich arhanizacyjach i byŭ źviazany ź inicyjatyvami suprać nieaficyjnych płaciažoŭ u miedycynie.
U palityku jon pryjšoŭ u 2025 hodzie jak ekśpiert pa achovie zdaroŭja ŭ partyi «Cisa». Paźniej jaho prapanavali na pasadu ministra achovy zdaroŭja ŭ mahčymym uradzie hetaj partyi, a ciapier jon im i staŭ.
Žołt Chiehiedziuš žanaty, maje čatyroch dziaciej. A jahony baćka, Łorant Chiehiedziuš (1930-2013) — viadomy ŭ Vienhryi relihijny dziejač, jaki byŭ adnym ź jepiskapaŭ Jevanhieliscka-refarmackaj carkvy.
Videa ź pieramožnym tancam u Budapiešcie sabrała za noč bolš za miljon prahladaŭ
U novym uradzie Vienhryi budzie nieviduščy ministr — jaki ŭžo staŭ majstram ajkido i jurystam
«Cisa» ŭ Vienhryi atrymała navat bolš parłamienckich mandataŭ, čym mierkavałasia papiarednie
«Pieramohu «Cisy» ŭsprymaju pazityŭna, ale jość aściarohi». Biełarusy, jakija žyvuć u Vienhryi, raskazali pra vybary i źmienu ŭrada
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač25
Kamientary