Łukašenka zaŭtra palacić u Kazachstan

Alaksandr Łukašenka 28—29 maja ździejśnić pracoŭny vizit u Kazachstan. Tam jon voźmie ŭdzieł u samicie Jeŭrazijskaha ekanamičnaha sajuza i ŭ Jeŭrazijskim ekanamičnym forumie, jakija projduć u Astanie.

Alaksandr Łukašenka. Fota: Evgenia Novozhenina Pool Photo via AP

28 maja płanujecca vystupleńnie Łukašenki na plenarnym pasiadžeńni Jeŭrazijskaha ekanamičnaha forumu. Hałoŭnaja jaho tema sioleta źviazanaja z raźvićciom ličbavych technałohij i štučnaha intelektu ŭ krainach JEAES.

Na druhi dzień, 29 maja, adbudziecca pasiadžeńnie Vyšejšaj Jeŭrazijskaj ekanamičnaj rady. U paradku dnia — kala dvaccaci pytańniaŭ. Sam samit projdzie ŭ vuzkim i pašyranym farmatach z udziełam kiraŭnikoŭ dziaržaŭ.

Kamientary da artykuła