Drama ŭ žyvym efiry: čorny busieł prahnaŭ ad hniazda arłana-biełachvosta VIDEA

Arłan-biełachvost u polskim lesie nabliziŭsia da hniazda z anłajn-kamieraj, dzie para busłoŭ haduje čaćviarych ptušaniat. Arłany — bujnyja drapiežnyja ptuški, zdolnyja zabić jak darosłych čornych dy biełych busłoŭ, tak i ptušaniat. Ale samiec busła prajaviŭ nievierahodnuju advahu i kinuŭsia na arłana, piša telehram-kanał «Dzikaja pryroda pobač».

Skrynšot ź videa

Chutkaść reakcyi, niečakanaść i vostraja dziuba dapamahli: ptuška zdoleła prahnać arłana-biełachvosta ad svajho hniazda!

Siamji paščaściła, što samiec padčas napadu byŭ kala hniazda. Uvohule ž buślinyja pareštki časta znachodziać padčas kalcavańnia maładych arłanaŭ u hniozdach.

Ci vierniecca arłan potym? Pryrodaachoŭniki ličać, što naŭrad ci — niehatyŭnyja asacyjacyi zamiest smačnaha abiedu nie zamacujuć hety punkt jak dobry restaran u pamiaci arłana.

Za strymam z hniazda, arhanizavanym NDA «Kamitet achovy arłoŭ» sumiesna z polskim laśnictvam «Balavicy», možna sačyć tut,

Kamientary da artykuła