Драма ў жывым эфіры: чорны бусел прагнаў ад гнязда арлана-белахвоста ВІДЭА

Арлан-белахвост у польскім лесе наблізіўся да гнязда з анлайн-камерай, дзе пара буслоў гадуе чацвярых птушанят. Арланы — буйныя драпежныя птушкі, здольныя забіць як дарослых чорных ды белых буслоў, так і птушанят. Але самец бусла праявіў неверагодную адвагу і кінуўся на арлана, піша тэлеграм-канал «Дзікая прырода побач».

Скрыншот з відэа

Хуткасць рэакцыі, нечаканасць і вострая дзюба дапамаглі: птушка здолела прагнаць арлана-белахвоста ад свайго гнязда!

Сям’і пашчасціла, што самец падчас нападу быў каля гнязда. Увогуле ж бусліныя парэшткі часта знаходзяць падчас кальцавання маладых арланаў у гнёздах.

Ці вернецца арлан потым? Прыродаахоўнікі лічаць, што наўрад ці — негатыўныя асацыяцыі замест смачнага абеду не замацуюць гэты пункт як добры рэстаран у памяці арлана.

За стрымам з гнязда, арганізаваным НДА «Камітэт аховы арлоў» сумесна з польскім лясніцтвам «Балявіцы», можна сачыць тут,

Каментары да артыкула