«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
Alaksandr Łukašenka amal dva hady tamu zajaviŭ, što, maŭlaŭ, Armienija nikomu nie patrebnaja, aprača Rasii i Biełarusi. Ale ŭ ciapierašnich umovach heta kraina ni ŭ jakim razie nie zastaniecca biez alternatyvy. Pra heta 27 maja na pieradvybarčym mitynhu ŭ horadzie Abavian zajaviŭ premjer-ministr Armienii Nikoł Pašynian.
«My nie budziem spadziavacca na adnu darohu, na adnaho sajuźnika, na adzin trubapravod. U nas jość čyhunka z Zachadu na Uschod, raniej adkryłasia čyhunka Achałkałaki — Kars, a da hetaha adkryłasia čyhunka praz terytoryju Azierbajdžana.
Chutka adkryjecca TRIPP, praz našu terytoryju projdzie hazapravod, my za košt hetaha tranzitu budziem mieć ułasny haz. Za hety tranzit nam buduć płacić hazam. My budziem raźvivać alternatyŭnuju enierhietyku.
Pakul Armienija zmoža być členam JEAES i praciahvać reformy pa jeŭrapiejskich standartach, my budziem iści hetym šlacham. Jak tolki pryjdzie čas zrabić vybar, narod Armienii zrobić hety vybar. Maja vialikaja zasłuha ŭ tym, što ŭ naroda jość alternatyva, kab nichto nie zmoh kazać: «Kamu patrebna Armienija, kudy jana dzieniecca».
Siońnia Armienija stanovicca skryžavańniem śvietu. Armienija žyćciova patrebnaja i Uschodu, i Zachadu, i Poŭnačy, i Poŭdniu. Usie hetyja baki pavinny zrabić najlepšuju prapanovu narodu Armienii, jaki i zrobić svoj vybar. My bolš nie kanfliktny tupik, my skryžavańnie miru, u naroda Armienii jość vybar.
Ja adkryta kažu: vy pavodzicie siabie pamyłkova, robiačy pahroźlivyja namioki, tamu što ŭžo nielha skazać, što bulba na 7 dramaŭ (5 biełaruskich kapiejek. — «NN») padaražeje, i paśla hetaha cisk u naroda Armienii pavialičycca.
Armienija ŭžo nie kraina tysiač i dziasiatkaŭ tysiač, a kraina miljardaŭ i tryljonaŭ. Heta ŭžo nie abrabavanaja vami i vašymi partniorami kraina», — adznačyŭ Pašynian.
Jon dadaŭ, što choča nahadać słovy Alaksandra Łukašenki, jaki zajaviŭ, što ŭdzielničaŭ u padrychtoŭcy 44‑dzionnaj vajny suprać Armienii, a taksama kazaŭ, što Armienija nikomu nie patrebna.
«Zaraz toj ža čałaviek kaža, što Armienija idzie ŭ Jeŭrasajuz, i aktyvavaŭ tut svajho ahienta, kab skavać Armieniju, jak heta było da 2018 hoda.
Ja skažu prama. Armienija nie tolki nie źbirajecca vychodzić ź JEAES, ale ja adziny čynoŭnik, jaki ŭvachodzić u dva kiraŭničyja orhany Sajuza adnačasova. Hetyja ryčahi ja źbirajusia vykarystoŭvać i budu vykarystoŭvać, kab Łukašenka nie zmoh vykarystać JEAES suprać Armienii.
Usie zajavy, što hučać — pustyja zajavy. Tyja, chto vystupaje z takimi zajavami, nie razumiejuć, što jany kapajuć mahiłu JEAES. […]
Trochhałovaja partyja vajny nie razumieje, što kapaje mahiłu JEAES. Ja raju im adyści ad hetaha šlachu», — padkreśliŭ Pašynian.
Razvod z Maskvoj u abmien na jeŭrapiejski biaźviz. Armienija sychodzić z rasijskaj arbity pad pahrozy Pucina
Pašynian nie pajeździe na najbližejšy samit JEAES
Pašynian paskardziŭsia kiraŭnictvu ES na hibrydnyja pahrozy
Pašynian: Armienija pieraadoleła błakadu z Azierbajdžanam
Na samit u Armieniju źjazdžajucca jeŭrapiejskija lidary. Jak adreahuje Maskva?
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
🪳 priletajet so vsiech storon :))