U kłubničnaj stalicy Biełarusi zapracavaŭ aptovy rynak. Što pa cenach?

Kłubničny siezon u Biełarusi pastupova nabiraje abaroty. U Dvarcy Łuninieckaha rajona pačaŭ pracu śpiecyjalizavany rynak, kudy stali pryjazdžać pieršyja zakupščyki. Aktyŭnaść pakul nievysokaja — ranicaj 28 maja na adhruzku prybyli tolki niekalki mašyn, piša Lnc.by.

Fota: Lnc.by

Situacyja z cenami zastajecca niestabilnaj. Pa słovach udzielnikaŭ rynku, u apošnija dni košt kłubnic prykmietna vahaŭsia — ad 4—5 da 10—12 rubloŭ za kiłahram.

Pradaŭcy adznačajuć, što takija «skački» vyklikajuć zaniepakojenaść, bo vyroščvańnie jahady patrabuje značnych zatrat i pracy, a prodaž pa nizkich cenach moža pryvieści da strat.

Pa słovach viaskoŭcaŭ i zdatčykaŭ, uradžaj u cełym čakajecca niebłahim, adnak častka pasadak paciarpieła z-za načnych zamarazkaŭ.

Siarod najbolš zapatrabavanych sartoŭ vyłučajucca «Azija» i «Alba» — ich zakuplajuć bolš achvotna i pa bolš vysokaj canie.

Kamientary da artykuła