Minskija Šabany nakryli abłoki cemientnaha pyłu
U minskim mikrarajonie Šabany 27 i 28 maja miascovyja žychary zaŭvažyli abłoki, padobnyja da cemientnaha pyłu. Fota i videa chutka raspaŭsiudzilisia ŭ sacyjalnych sietkach i navinavych pablikach.
Fota: t.me/minskpriroda
Na zdymkach situacyja vyhladała tak, niby pa rajonie prajšoŭ piasčany vichor. Pył nie tolki znachodziŭsia ŭ pavietry, ale i asiadaŭ na aŭtamabilach.
Fota: t.me/minskpriroda
Miarkujecca, što krynicaj zabrudžvańnia mahło stać adno z pradpryjemstvaŭ, raźmieščanych na vulicy Sialickaha.
Na situacyju adreahavali ŭ Minskim haradskim kamitecie pryrodnych resursaŭ i achovy navakolnaha asiarodździa. Tam paviedamili, što pačali pravierku pa fakcie mahčymych vykidaŭ pyłu z vytvorčaha abjekta.
Dla acenki ŭzroŭniu zabrudžvańnia płanujecca adbor probaŭ, jaki praviadzie łabaratoryja Respublikanskaha centra analityčnaha kantrolu ŭ halinie achovy navakolnaha asiarodździa.
Pradstaŭniki viedamstva adznačyli, što kali budzie ŭstanoŭlena pieravyšeńnie dapuščalnych kancentracyj škodnych rečyvaŭ, da vinavatych buduć užytyja miery ŭ adpaviednaści z zakanadaŭstvam.
Čytajcie taksama:
Pad Minskam zaŭvažyli pyłavy vichor VIDEA
Źjaviŭsia novy rejtynh biełaruskich haradoŭ — voś jak vyhladaje top-20