U Minsku pastavili jašče adzin zaradny chab dla elektramabilaŭ
U Minsku kala stancyi mietro «Uručča» kampanija Zaryadka adkryła novy zaradny chab dla elektramabilaŭ. Jon raźmieščany nasuprać žyłoha kompleksu «Vivaldzi», piša Office Life.
Fota: Zaryadka
Na placoŭcy ŭstalavali dźvie chutkasnyja zaradnyja stancyi mahutnaściu pa 160 kVt kožnaja. Adna ź ich maje dva raźjomy — CCS i GBT, druhaja abstalavanaja dvuma raźjomami GBT. Adnačasova tut mohuć zaradžacca da čatyroch elektramabilaŭ.
Kampanija-apieratar adznačaje, što praciahvaje raźvivać sietku ŭ žyłych rajonach stalicy, bo popyt na chutkuju zaradku pastajanna raście. Raniej padobnaja stancyja źjaviłasia ŭ Kamiennaj Horcy.
Usiaho ŭ sietki ŭžo kala 100 zaradnych stancyj pa ŭsioj Biełarusi. Siarod bujnych prajektaŭ — vialiki zaradny chab u handlovym centry Galleria Minsk, dzie možna adnačasova absłuhoŭvać dziasiatki elektramabilaŭ.
Akramia Minska, padobnaja infrastruktura aktyŭna raźvivajecca i ŭ rehijonach, a taksama ŭzdoŭž asnoŭnych aŭtamabilnych tras.
Čytajcie taksama:
U Viciebsku źbirajucca vyrablać elektramabili
U minskaj Kamiennaj Horcy adkryli bujny chab chutkaj zaradki elektramabilaŭ
«Biełdžy» płanuje sioleta vypuścić 10 tysiač elektramabilaŭ i hibrydaŭ
U «Biełtechahladzie» raskazali, na što čaściej za ŭsio chvarejuć elektrakary