Najlepšym telereparcioram Biełarusi nazvali Viktoryju Siankievič — za ŭklučeńni z Alaski
29 maja ŭ Minsku ŭručyli ŭznaharody ChVI Nacyjanalnaha televizijnaha konkursu «Televiaršynia». Imi tradycyjna štohod naminujucca dziaržaŭnyja prapahandysty.
Sioleta pieramožcaj u naminacyi «Najlepšy reparcior» stała namieśnica hałoŭnaha dyrektara Hałoŭnaj dyrekcyi telekanała «Pieršy infarmacyjny» Viktoryja Siankievič. Joj dali ŭznaharodu za repartažy i pramyja ŭklučeńni z samitu Rasija — ZŠA (sustreča Uładzimira Pucina i Donalda Trampa na Alascy).
Uznaharodu jak najlepšaja viadučaja hramadska-palityčnaj (publicystyčnaj) teleprahramy atrymała Alena Syrova, viadučaja aŭtarskaj prahramy «Surovy pohlad» i hramadska-palityčnaha tok-šou «Pa sutnaści» na STB.
Najlepšaj viadučaj infarmacyjnaj prahramy stała Kaciaryna Tumas-Ciškievič, viadučaja štodzionnaj infarmacyjna-analityčnaj prahramy «Našy naviny» na «Druhim nacyjanalnym telekanale».
Najlepšaj žurnalistkaj rehijanalnaha telebačańnia nazvali Kryścinu Biendziankovu — za teleprahramy «Naša sprava», «Vobłaść intaresaŭ», «Brend», «Naviny rehijona», «Dniami» na teleradyjokampanii «Mahiloŭ».
Najlepšaj viadučaj rehijanalnaha telebačańnia pryznali Hannu Bajarčuk, viadučuju «Homielskaha efiru» na teleradyjokampanii «Homiel».
Čytajcie taksama:
Tur zaklikaje rychtavacca da vajny, tamu što «Jeŭrasajuz nie zdasca na litaść sajuza troch impieryj»
Zabłakavali ŭ jutubie ŭsie kanały mižnarodnaha radyjo «Biełaruś»