Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
«Hańba, kupicie kursy žurnalistyki svaim supracoŭnikam», — paraili im. U kamientarach pad dopisam haziety chor aburanych hałasoŭ stvarajuć sami ž supracoŭnicy — ad karespandentak da hałoŭreda.
Vydańnie «Hrodzienskaja praŭda» u svaim treds siońnia raźmiaściła dopis z navinoju ab vizicie Śviatłany Cichanoŭskaj u Kijeŭ. Tekst publikacyi bolš nahadvaje ahresiŭny prapahandyscki listok:
«Siońnia praterminavanaja Śvieta ździejśniła svaju daŭniuju maru. Pabačyła «cudoŭnuju niezaležnuju Biełaruś» pad svaim kiraŭnictvam. Kiraŭnica zmaharoŭ pryjechała ŭ Kijeŭ, dzie pradstaŭniki režymu arhanizavali joj «prahramu mierapryjemstvaŭ»: pakazušnaje ŭskładańnie kala mahił najomnych nacykaŭ (ziamla im škłavataj), zatym, u nadziei, što ŭsio ž taki rasijski dron nie pramachniecca, jaje katali pa vulicach Kijeva.
Mienavita takuju budučyniu dla žycharoŭ respubliki jana praduhledžvaje, paputna razvažajučy pra patok zachodnich hrošaj», — napisali aŭtary kanała.
Dopis supravadžaŭsia videarolikam, źniatym z mašyny, u jakoj Śviatłana jedzie pa vulicach ukrainskaj stalicy mima razburanych budynkaŭ.
Kamientavać hety treds pryjšła amal usia redakcyja ŭ poŭnym składzie. U kamientarach adznačylisia hałoŭnaja redaktarka «Hrodzienskaj praŭdy» Taćciana Siarhiejeva, jaje namieśnica Anžalika Kiślak, karespandentki Miłana Dudko i Marharyta Siaŭko, ahladalnica Alena Chudzik, redaktarka internet-resursu haziety Nastaśsia Adosij.
Hałoŭny pasył — jak maha macniej źniavažyć Cichanoŭskuju i ŭkrainski bok, adnačasova padkreślivajučy nibyta «miralubaść» Biełarusi.
«Dziakuj, Boža, što źbiaroh nas ad takich «Śviet». Chaj sabie katajecca i hulaje na publiku, aby ručonki svaje ŭ spravy Biełarusi nie savała. Čur-čur nas ))))», — piša namieśnica hałoŭreda Anžalika Kiślak.
«Cyrkačka», — kamientuje ahladalnica Chudzik.
«I hetaha jany chacieli dla Biełarusi?!!! Dziakuj, ale NIE. Baćka źbiaroh», «Hladzić na toje, što było b u Minsku, kali b hetaja nieadekvatka pryjšła da ŭłady. Boh nas vyratavaŭ ad jaje».
«Cudoŭnaja «budučynia», ničoha nie skažaš. Pryjechała ŭ krainu, dzie idzie vajna, kab złavić chajp. Rejtynhi zusim nikudy nie vartyja? Zvyčajnyja ludzi chočuć miru i stabilnaści, a nie być palihonam dla čarhovaha treša zachodniaj «demakratyi»», — heta niehaduje hałoŭnaja redaktarka Taćciana Siarhiejeva.
Z hetymi zakidami sprabujuć spračacca inšyja karystalniki. Tak, na zaŭvahu:
«Dobra, što takija siadziać nie ŭ Biełarusi», — nahadvajuć: «Tak, u Biełarusi siadziać takija, jak ty. Abo ŭ turmach».
Aŭtaru kamientara «Kašmar, niama słoŭ, što ž jana tvoryć» davodziać: «A što jana tvoryć?? Heta chiba jana napała na Ukrainu? Ci heta jana pradastaviła svaju krainu jak płacdarm dla napadu na susieda?? Ci heta inšaje??».
Niekatoryja karystalniki vykazvalisia jašče bolš rezka adnosna samoj publikacyi i jaje aŭtaraŭ:
«U kamientarach niejki siur jabaciek. Sami prapuścili praź miažu vojski ŭ parušeńnie Kanstytucyi RB, sami dapamahali i dapamahajuć navodzić bieśpiłotniki i drony, a kažuć, što heta «Śvietka» z «Zielem» vinavatyja».
«Pi***c, kab adzin z bujnych pablikaŭ abłasnoha horada ŭ Biełarusi pisaŭ nastolki ahidnym tekstam? Hańba, kupicie kursy žurnalistyki svaim supracoŭnikam».
Jašče častka kamientataraŭ adkazvaje ŭ iraničnaj i vostraj formie:
«Oj, jak jabaćki ŭzbudzilisia, što, zajzdrosna? Vusaty kałhaśnik tolki na BAŁOTY jeździć hrošaj prasić, a nie dajuć užo», «Naviny skončylisia? Daŭhuniec adcierabli ŭžo? Makron nie telefanuje bolej?», «O jak! A ty chacieła b, kab tudy pryjechaŭ tvoj voždź? Ale, ničoha, kali-niebudź i pryjedzie, ale ŭ inšym statusie».
Akramia tredsa «Hrodzienskaj praŭdy», prałukašenkaŭskija kamientatary šturmavali i inšyja sacyjalnyja sietki. Praŭda, tam ich paviedamleńni nie vyznačajucca aryhinalnaściu i bolš nahadvajuć pracu bota-fiermaŭ.
«A chto jana takaja?», «Dzie Siaroha padzieŭsia?», «U jakaści kaho jana pryjechała?», «I kolki jany buduć jeździć!?» — pišuć tradycyjnyja pytańni boty.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy14
Kamientary
Kali prapahandystam nielha tak rabić, dyk moža i vam treba pra Karža praŭdu pisać?