U Italii zatrymali furu biełarusa z hruzam cynkavaha popiełu
Mytnia italjanskaha horada Koma, što ŭ rehijonie Łambardyja, zatrymała hruzavik pad kiravańniem biełarusa z-za nieadpaviednaści katehoryi hruzu, jaki pieravoziŭsia, zajaŭlenaj, piša sajt «Biełaruś i mir».
Fota: mytnaja słužba horada Koma
Jak skazana ŭ pres-relizie, fura ź litoŭskaj rehistracyjaj kiravałasia z Francyi tranzitam i ŭ pracesie kančatkovaha ŭjezdu ŭ ES padvierhłasia dbajnaj praviercy.
Analiz dakumientaŭ adrazu pakazaŭ razychodžańnie. Zajaŭleny jak «inšyja vyraby z žaleza i stali» hruz pa fakcie akazaŭsia tym, što pavinna kvalifikavacca jak adkidy.
Pieravozčyk pry hetym nie byŭ zarehistravany, jak taho patrabujuć praviły, u adpaviednym ekałahičnym rejestry.
Transpartny srodak i 24 tony cynkavaha popiełu ŭ 13 kantejnierach koštam bolš za 40 tysiač jeŭra byli previentyŭna aryštavanyja. U kiroŭcy taksama časova zabrali paśviedčańnie kiroŭcy.
U nastupnyja paśla zatrymańnia fury dni naš suajčyńnik vypłaciŭ 6 500 jeŭra ŭ vyhladzie štrafu.
Čytajcie taksama:
U Hiermanii z baku biełarusa skrali paliva