U Italii zatrymali biełarusa, jakoha padazrajuć u prynaležnaści da supolnaści, što zajmałasia machlarstvam u turystyčnaj śfiery. Pra heta paviedamlaje rymskaje rehijanalnaje ŭpraŭleńnie Finansavaj hvardyi, piša sajt «Biełaruś i mir».
Italjanskija pravaachoŭniki vykanali rasparadžeńnie suda ab prymianieńni mier strymańnia ŭ dačynieńni da 17 asob, jakija na hety momant znachodziacca pad śledstvam pa roznych punktach abvinavačvańniaŭ — udziele ŭ złačynnaj hrupie, vykarystańni kłanavanych kredytnych kart, anłajn-machlarstvie i samastojnym admyvańni svaich dachodaŭ.
A mienavita: papiaredniaje zaklučeńnie pad vartu dvuch hramadzian Italii i adnaho hramadzianina Biełarusi, chatni aryšt hramadzianina Italii i hramadzianina Polščy, a taksama pradpisańnie šaści hramadzianam Italii zastavacca pa miescy žycharstva i pradpisańnie šaści hramadzianam Italii źjaŭlacca ŭ palicyju. Adnačasova byli praviedzienyja pieratrusy ŭ damach hetych asob.
Zhodna z danymi rasśledavańnia, hrupa dziejničała ŭ dvuch nasielenych punktach — Ancya i Nietuna, kurortnych haradach na ŭźbiarežžy Tyrenskaha mora niedaloka ad Ryma.
Śćviardžajecca, što ŭ pieryjad z 2022 pa 2025 hod jana ździejśniła bolš za 1 600 machlarskich dziejańniaŭ u dačynieńni da hramadzian Italii i inšych krain na ahulnuju sumu kala 575 000 jeŭra, padarvaŭšy davier spažyŭcoŭ da anłajn-tranzakcyj i parušyŭšy pracu miascovaha turystyčnaha rynku.
Składanyja schiemy, jakija vykarystoŭvalisia hrupaj, byli pabudavanyja na niaisnych abjektach raźmiaščeńnia turystaŭ. Prymianialisia dva asnoŭnyja sposaby.
Pa-pieršaje, machlary spustašali rachunki kłanavanych kredytnych kart šlacham fiktyŭnych płaciažoŭ, jakija ździajśnialisia praz 43 POS-terminały, zarehistravanyja na 29 niaisnych abjektaŭ raźmiaščeńnia.
Pa-druhoje, jany napramuju prymali hrošy bankaŭskimi pieravodami i papaŭnieńniami ad ludziej, jakija ničoha nie padazravali, za braniravańnie miescaŭ u niaisnych abjektach raźmiaščeńnia, rekłamujučy ich u sacsietkach.
Zatym niezakonna atrymanyja srodki admyvalisia praź sietku z 15 padstaŭnych asob, jakija mieli 38 bankaŭskich rachunkaŭ, vyvodzilisia najaŭnymi i išli na kuplu aŭtamabilaŭ, juvielirnych vyrabaŭ i pradmietaŭ raskošy, u tym liku za miažoj.
Udakładniajecca, što raźbiralnictva znachodzicca na stadyi papiaredniaha rasśledavańnia i što ŭ dačynieńni da padazravanych dziejničaje prezumpcyja nievinavataści.
U Ispanii zatrymali biełarusaŭ za kradziež i pieraprodaž mašyn
U Polščy vykryli hrupu, jakaja dapamahała niezakonna lehalizavacca inšaziemcam. Siarod abvinavačanych i biełarusy
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES
Biełarus raskazaŭ, jak jaho sprabavali ŭciahnuć u cieniavy biznes pa pastaŭcy luksavych aŭto z Polščy ŭ Rasiju
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia8
Kamientary