Nikol Kidman stancavała pad chit biełaruskaha hurta

Vy dakładna čuli hety virusny trek. Ciapier jon prahučaŭ i ŭ amierykanskim sieryjale.

Kadr ź sieryjała «Dzieviać zusim nieznajomych ludziej», dzie Nikol Kidman tančyć pad biełaruski trek

Oskaranosnaja aktrysa Nikol Kidman źniałasia ŭ sieryjale «Dzieviać zusim nieznajomych ludziej» (Nine Perfect Strangers) ad servisu Hulu. Kidman syhrała ruskuju Mašu, jakaja kiruje vielmi dziŭnym kurortam «Dom spakoju». Tam jana prapanuje haściam unikalny dośvied: pieražyvać uspaminy, nibyta jany zdarylisia ŭpieršyniu.

U druhim siezonie, jaki vyjšaŭ u minułym hodzie, biełarusy mohuć pačuć znajomuju muzyku. U piataj sieryi Nikol razam z hierojem Marka Stronha traplaje ŭ fłešbek z 2001 hoda. U pražskim bary aŭstralijskaja aktrysa sprabuje havaryć pa-rusku. A paśla tancuje pad znakamity trek «Sudna» hurta Molchat Doma.

Heta toj samy depresiŭny trek, pad jaki raniej zdymali šmat rolikaŭ u sacsietkach, časta na fonie chruščovak. Darečy, trek biełarusaŭ atrymaŭ u ZŠA załaty status. Sam hurt Molchat Doma jeździć z kancertami pa ŭsim śviecie.

Heta nie pieršy raz, kali ŭ pracy Nikol Kidman hučyć muzyka ź Biełarusi. U filmie «Drennaja dziaŭčynka» 2024 hoda aŭstralijka tančyć u kłubie pad trek techna-dueta Police in Paris Ułada Kulbickaha (unuka Uładzimira Mulavina z «Pieśniaroŭ») i Ułada Kaŭčuka.

Kamientary da artykuła