Paśla amal dvuch dziesiacihodździaŭ sumiesnaha žyćcia adna z najiarčejšych par Halivudu — Nikol Kidman i Kit Urban — vyrašyła razyjścisia. Pra heta paviedamiła krynica Bi-bi-si, blizkaja da siamiejnaj pary.
Zornaja para vychoŭvaje dźviuch dačok: 17‑hadovuju Sandej Rouz i 14‑hadovuju Fejt Marharet.
Askaranosnaja aktorka i čatyrochrazovy łaŭreat premii «Hremi» ŭ žanry kantry ažanilisia ŭ červieni 2006 hoda.
Pieršy pra razryŭ paviedamiŭ partał TMZ, adznačyŭšy, što para žyvie asobna jašče ź leta, a sama Kidman nie žadaje hetaha razvodu. Pryčyny razvodu pakul što zastajucca nieviadomymi.
Dva dziesiacihodździ pobač
Kidman i Urban, jakija vyraśli ŭ Aŭstralii, pieražyli šmat uźlotaŭ i padzieńniaŭ za hady sumiesnaha žyćcia.
Byli ščaślivyja momanty: aboje atrymlivali prestyžnyja ŭznaharody i naminacyi, zaŭsiody padtrymlivali adno adnaho, źjaŭlalisia razam na premjerach i cyrymonijach.
Ale byli i vyprabavańni: praź niekalki miesiacaŭ paśla viasiella Urban dobraachvotna źviarnuŭsia ŭ reabilitacyjny centr z-za zaležnaści ad narkotykaŭ i ałkaholu. Sam śpiavak i Kidman nie raz kazali, što mienavita hetyja ciažkaści zrabili ich sajuz macniejšym.
Pavodle słoŭ Urbana, mienavita ŭmiašańnie žonki i blizkich siabroŭ źmianiła jaho žyćcio.
«Ja vieru, što ŭsio heta zdaryłasia dziela taho, kab abjadnać nas», — kazaŭ jon u 2010 hodzie ŭ efiry šou Opry Uinfry.
«Ciapier ja razumieju, što Nikol šmat čamu mianie navučyła, adkryła mnie vočy i zrabiła majo žyćcio poŭnym. Heta najlepšy čas u maim žyćci».
Apošnija sumiesnyja źjaŭleńni
U červieni paru bačyli razam na matčy kłubnaha čempijanatu śvietu pa futbole ŭ Nešvile.
U mai jany taksama razam pryjšli na cyrymoniju ŭručeńnia Academy of Country Music Awards, dzie Urban atrymaŭ uznaharodu ACM Triple Crown Award.
Tady ich sfatahrafavali ščaślivymi i zakachanymi: jany siadzieli pobač, trymalisia za ruki i całavalisia.
Da šlubu z Urbanam Nikol Kidman bolš za 10 hadoŭ była zamužam za akcioram Tomam Kruzam. U ich taksama dvoje dziaciej. Ich šlub skončyŭsia ŭ 2001 hodzie.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary