Alaksiej Chlastoŭ na svabodzie

Žonka Alena sustrakała kachanaha jaho lubimaj stravaj — teftelami. Śpiavak pravioŭ za kratami dva tydni.

Žonka Alena sustreła Alaksieja paśla Akreścina. Fota ź jaje instahrama

Artysta, jaki apošnija hady vymušyny pracavać u taksi, zatrymali 21 maja. Pra heta emacyjna raspaviała ŭ sacsietkach Alena Chlastova: «Majho muža zatrymali biez tłumačeńniaŭ. Jon nie parušaŭ ničoha!!!!!!!!!».

Sam ža Alaksiej zapisaŭ videa na vypadak svajho zatrymańnia, u jakim raskazaŭ pra «prafiłaktyčnyja» razmovy ź im u siłavikoŭ, u tym liku ŭ HUBAZiKu. Chlastoŭ prasiŭ raspaŭsiudzić hetaje videa dziela svajoj abarony.

Akaŭnt, źviazany ź siłavikami, adreahavaŭ na heta i śćviardžaŭ, što Chlastova HUBAZiK vyklikaŭ jašče hod tamu. A ciapier jaho šukali nibyta za toje, što «kinuŭ svajo aŭto pad znakam».

U vyniku Chlastova abvinavacili ŭ drobnym chulihanstvie. Sud pryznačyŭ Alaksieju 14 sutak administracyjnaha aryštu.

Ciapier jon užo doma. Alena Chlastova pakazała ŭ storys, jak rychtavałasia karmić kachanaha — jana pryhatavała jaho lubimyja tefteli.

Dadomu jany jechali na mašynie pad pieśniu Chlastova «Ja i ty».

Kamientary da artykuła