Siłaviki pra zatrymańnie Chlastova: Budzie doma paśla adbyćcia pakarańnia
Akaŭnt, źviazany ź siłavymi orhanami, śćviardžaje, što ŭ HUBAZiK śpiavak byŭ hod tamu.
Siońnia stała viadoma, što śpiavak Alaksiej Chlastoŭ, jaki praz zabaronu vystupać pajšoŭ u taksisty, trapiŭ na Akreścina. U akaŭncie śpievaka paźniej źjaviłasia videa, jakoje jon zapisaŭ na vypadak čarhovaj «prafiłaktyčnaj razmovy» ź siłavikami.
U tym videa Alaksiej raskazvaje, što jaho vyklikali ŭžo dvojčy. Pieršy raz — HUBAZiK, paśla HUUS. «Ciapier mianie zaprasili ŭ Transpartnuju milicyju ci Transpartnuju słužbu na Partyzanski praśpiekt. Ja miarkuju, što budu abo zatrymany, abo budzie znoŭ razmova. Nijakija niepravamiernyja dziejańni ja nie rabiŭ, ničoha nie ździajśniaŭ», — havorycca ŭ videa.
U kamientarach da dopisaŭ u Threads pra zatrymańnie śpievaka akaŭnt, źviazany ź siłavymi orhanami, śćviardžaje, što Chlastoŭ «ihnaravaŭ nieadnarazovyja vykliki ŭ DAI dla składańnia pratakołu za toje, što kinuŭ svajo aŭto pad znakam», kazaŭ, što znachodzicca ŭ inšych haradach.
«Nie dačakalisia i daviałosia šukać samim. Usio. Kropka. A ŭ HUBAZiKu jon byŭ hod tamu. Karaciej, nie padparadkavaŭsia zakonnym patrabavańniam», — piša akaŭnt i dadaje, što heta staroje videa.
Jon zapeŭnivaje, što Chlastoŭ «budzie doma paśla adbyćcia pakarańnia».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Alaksieju, vy šče nie zrazumieli, što heta ŭ kancłahiery pad nazvaj Biełaruś nie važna? Kali vy navidavoku i jość chacia b krychu hodnaści, krytyčnaha myśleńnia ci niezaležnaści ŭ dumkach, rana ci pozna vami zacikaviacca hetyja łancuhovyja sabaki z pahonami. Ja b na vašym miescy padumaŭ pra praciah pracy taksistam u toj ža Polščy. Inakš - znoŭ i znoŭ buduć nahody dla takich videa.