Polšča ŭviała abmiežavańni na paloty kala miažy ź Biełaruśsiu
Polšča ŭvodzić abmiežavańni na paloty ŭ pavietranaj prastory ŭzdoŭž miežaŭ ź Biełaruśsiu i Ukrainaj. Novyja praviły pačnuć dziejničać z 10 červienia i buduć aktualnyja da 9 vieraśnia, paviedamiła Polskaje ahienctva aeranavihacyjnaha absłuhoŭvańnia.
Fota: pansa.pl
Ź mierkavańniaŭ biaśpieki na ŭschodzie krainy abmiažujuć paloty na vyšyni da troch kiłamietraŭ. Pry hetym pasažyrskija samaloty źmieny nie zakranuć, bo jany zvyčajna lotajuć značna vyšej.
U načny čas — ad zachodu da ŭschodu sonca — u vyznačanaj zonie budzie dziejničać poŭnaja zabarona na paloty. Vyklučeńnie zroblena dla vajskovych pavietranych sudnaŭ i asobnych rejsaŭ, uzhodnienych z vajskoŭcami.
Udzień u zonie zmohuć pracavać vajskovyja, sanitarnyja i pošukava-vyratavalnyja pavietranyja sudny, a taksama niekatoryja inšyja śpiecyjalnyja rejsy. Pry vykanańni peŭnych umoŭ dazvolać i paloty asobnych bieśpiłotnikaŭ.
Pavodle infarmacyi polskich avijacyjnych słužbaŭ, abmiežavalnaja zona budzie ciahnucca ŭzdoŭž usioj miažy Polščy ź Biełaruśsiu i Ukrainaj i ŭ roznych miescach raspaŭsiudžvacca na 20—50 kiłamietraŭ uhłyb polskaj terytoryi.
Ułady papiaredžvajuć, što ŭvachod u hetuju zonu biez adpaviednaha dazvołu budzie ličycca parušeńniem avijacyjnaha zakanadaŭstva.
Čytajcie taksama:
Bolš za 150 čałaviek pakarali za ŭvoz u Biełaruś bieśpiłotnikaŭ
Biełaruskaje padraździaleńnie va Ukrainie apublikavała VIDEA sa svajoj bajavoj pracaj
Kiraŭnik DNR paviedamiŭ pra ŭdar drona pa aŭtobusie Maskva — Simfieropal
U sacsietkach pišuć, što ŭ Słucku ŭpaŭ rasijski «Šachied». Ułady maŭčać