U sacsietkach pišuć, što ŭ Słucku ŭpaŭ rasijski «Šachied». Ułady maŭčać
U Słucku ŭpali rasijskija «Šachiedy», mahčyma, dronaŭ było dva, darohu pierakryli — takija paviedamleńni źjavilisia ŭ sacsietkach, ale ŭłady infarmacyju nie kamientujuć, u tym liku i nie abviarhajuć paviedamleńni.
Pavodle infarmacyi telehram-kanała «Biełaruś za MKADom», incydent adbyŭsia ŭdzień u rajonie vioski Navadvorcy, heta litaralna za paru kiłamietraŭ ad Słucka, niepadalok ad vulicy Maksima Bahdanoviča.
Pry hetym źjaviłasia infarmacyja, što źbić mahli adrazu dva drony — druhi nibyta ŭpaŭ kala vioski Łučniki ŭ pramiežku z 11:00 da 13:00. Pra heta piša kanał «Realnaja Biełaruś».
Žurnalistka «Biełsata» patelefanavała jak zaniepakojenaja žycharka horada ŭ najbližejšyja da miesca zdareńnia ŭstanovy. Tam paviedamili, što častku vulicy Maksima Bahdanoviča sapraŭdy pierakryli, dahetul na niekatorych učastkach darohi z boku vioski nie adnoŭleny ruch, praciahvajuć pracavać ekstrannyja słužby.
Ale za paru kiłamietraŭ ad vioski i pierakrytaha ŭčastku nie čuli vybuchu i miarkujuć, što dron nie vybuchnuŭ.
«Ad vulicy Lenina jeździać mašyny, iduć aŭtobusy. Na Bahdanoviča pierakrytaja daroha niedzie ŭ Navadvorcach — kažuć, tam jašče nie adkryli ruch. Paviedamlajuć, što dron lataŭ tam u rajonie zapraŭki, ale ničoha nie viadoma. Tam ludziej niama, kali b u zapraŭku trapiŭ — vybuchnuła b, a tak, napeŭna, usio narmalna», — raspavioŭ surazmoŭca.
U haradskich pablikach byli dopisy pra toje, što niešta ŭ Słucku adbyvajecca, ale administratary vydalajuć paviedamleńni i prosiać čakać aficyjnych zajaŭ.
Aficyjnyja struktury i ekstrannyja słužby zachoŭvajuć maŭčańnie.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Kamientary