BiełAZ prezientavaŭ pieršy ŭ śviecie 220‑tonny samazvał na ZPH
BiełAZ pradstaviŭ pieršy ŭ śviecie karjerny samazvał hruzapadymalnaściu 220 ton, jaki pracuje na zvadkavanym pryrodnym hazie. Prezientacyja novaj madeli BiełAZ-7530R adbyłasia na mižnarodnaj vystavie «Vuhal Rasii i Majninh-2026» u rasijskim Novakuźniecku, piša BiełTA.
Fota: BiełAZ
Asnoŭnymi asablivaściami novaj mašyny stali hazaporšnievy ruchavik, raspracavany śpiecyjalna dla pracy na ekałahična bolš čystym palivie, a taksama kabina novaha pakaleńnia z pavyšanym uzroŭniem kamfortu, erhanomiki i biaśpieki dla apieratara.
Samazvał abstalavany ruchavikom mahutnaściu 2335 konskich sił, jaki pracuje razam z elektrapryvadam i sučasnaj elektronnaj sistemaj kiravańnia.
Na pradpryjemstvie adznačajuć, što vykarystańnie zvadkavanaha pryrodnaha hazu dazvalaje istotna źnizić vydatki na paliva ŭ paraŭnańni z dyzielem. Akramia taho, źnižajecca kolkaść škodnych vykidaŭ u atmaśfieru.
Kiraŭnictva BiełAZa ličyć, što ŭ budučyni kala traciny vypuskanych kampanijaj karjernych mašyn mohuć atrymać hazaporšnievyja ruchaviki. Płanujecca pravieści vyprabavańni techniki roznych kłasaŭ hruzapadymalnaści, u tym liku na 90, 130 i 220 ton.
Čytajcie taksama:
BiełAZ pačaŭ vyprabavańnie bieśpiłotnych samazvałaŭ
BiełAZ pakazaŭ svaju novuju mašynu dla absłuhoŭvańnia aeraportaŭ