Biełaruski aŭtamabilny zavod (BiełAZ) pradstaviŭ novy 50‑tonny buldozier BIEŁAZ-78542 — adzin z samych mahutnych pradstaŭnikoŭ ciažkaj śpiectechniki ŭ svajoj liniejcy.
Mašyna pryznačanaja dla pracy ŭ składanych umovach karjeraŭ. Jana vykarystoŭvajecca dla źniaćcia i pieramiaščeńnia vialikich abjomaŭ hornaj masy i hruntu, a taksama dla dakładnaha vyraŭnoŭvańnia karjernych placovak.
Buldozier zabiaśpiečany ruchavikom mahutnaściu 550 konskich siłaŭ (404 kVt) — samym mahutnym u madelnym šerahu. Maksimalnaja chutkaść składaje da 35 km/h. Paliŭny bak abjomam 715 litraŭ dazvalaje pracavać cełuju źmienu biez dadatkovaj zapraŭki.
Akramia taho, technika maje intelektualnuju tranśmisiju i sistemu IMS. Kabina zroblena z ulikam erhanomiki, maje dobruju ahladnaść i sučasnyja sistemy abarony.
Paśla zakančeńnia zavadskich vyprabavańniaŭ mašynu čakaje pravierka ŭsich zajaŭlenych charaktarystyk užo ŭ realnych umovach ekspłuatacyi ŭ karjery.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2929
Kamientary
Budzie jak i z aŭtobusami MAZ.