BiełAZ pakazaŭ svaju novuju mašynu dla absłuhoŭvańnia aeraportaŭ
BiełAZ pradstaviŭ novy aeradromny buksiroŭščyk BiełAZ-54011, pryznačany dla pracy ŭ aeraportach. Jon moža transpartavać samaloty masaj ad 50 da 150 ton, takija jak Airbus A320, A220 abo Boeing 737, na karotkija dystancyi da tieletrapaŭ i na bolš dalokija — da miescaŭ stajanki, techničnaha absłuhoŭvańnia ci ramontu, paviedamlaje pres-słužba pradpryjemstva.
Mašyna maje poŭny pryvad i zabiaśpiečanaja dyzielnym ruchavikom z turbanadzimańniem mahutnaściu 156 konskich sił (ekałahičny kłas «Jeŭra-3»). Biez samalota buksiroŭščyk razhaniajecca da 30 km/h, z samalotam — da 12 km/h.
Adna z klučavych asablivaściaŭ — sistema rulavańnia z čatyrma režymami: tolki piarednija koły, tolki zadnija, sinchronnaje kiravańnie ŭsimi kołami i krabavy režym (kali ŭsie koły pavaročvajucca ŭ adzin bok), što značna pavyšaje manieŭranaść na abmiežavanaj prastory.
Buksiroŭščyk taksama maje rehulavańnie sčepnaj vahi ad 12 da 18 ton dziakujučy śpiecyjalnamu bałastu, što dazvalaje adaptavacca da roznych umoŭ pakryćcia: suchi asfalt, vilhotnaja ci abledzianiełaja pavierchnia.
Dla kamfortu apieratara ŭ kabinie ŭstalavanaje pnieŭmatyčna rehulavanaje siadzieńnie, čatyry kamiery kruhavoha videanazirańnia, śviatłodyjodnaja optyka, klimat-kantrol i ŭzmocnienaja šumaizalacyja. Heta harantuje biaśpiečnuju i zručnuju pracu kiroŭcy.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary
Tam uvohule pracujuć kreatyŭnyja ludzi.
Kab nie dušyli ich na patreby Tamožienoho sojuza, a paśla na dachody ŭ "siamiejku", to biełazaŭcy na volnym rynku pakazali by našmat bolš, čym ciapier.
Tolki try takija vytvorcy na płaniecie, jakija miž saboj dzielać suśvietny rynak - BiełAZ(Biełaruś), Katerpiler(ZŠA) , Kamacu(Japonija).