Trampa ŭściešyła pierśpiektyva asabistaj sustrečy Zialenskaha i Pucina — «vielmi dobrych ludziej»

Prezident ZŠA Donald Tramp vykazaŭ padtrymku idei asabistaj sustrečy kiraŭnikoŭ Ukrainy i Rasii Uładzimira Zialenskaha i Uładzimira Pucina, jakuju siońnia vykazaŭ u svaim adkrytym liście da Pucina Zialenski.

Donald Tramp. Fota: AP Photo / Julia Demaree Nikhinson

Adkazvajučy na pytańni žurnalistaŭ u Biełym domie, Donald Tramp adznačyŭ:

«Nu, ja nie viedaju. Ja rady, što jany, mahčyma, havorać pra sustreču. Ja dumaju, što my mieli da hetaha šmat ahulnaha. Ja dakładna viedaju, što vy robicie. Ale ja dumaju, što było b vydatna, kab jany sustrelisia. Im treba vyrašyć hetu spravu».

Pry hetym, na jahonuju dumku, Pucin i Zialenski abodva «vielmi dobryja ludzi».

Tramp zajaviŭ, što choča, kab abiedźvie krainy pajšli na peŭnyja sastupki, i vykazaŭ pierakanańnie, što jany tak i zrobiać. Pry hetym, jak jon śćviardžaje, biez techniki, jakuju daje Ukrainie ZŠA, jana nie pratrymałasia b i dvuch dzion.

Kamientary da artykuła