Zahinuŭ kałmycki Hieroj Rasii, jaki letaś prasłaviŭsia, dakładvajučy Pucinu pra pośpiechi

Padčas bajavych dziejańniaŭ va Ukrainie zahinuŭ staršy lejtenant Naran Ačyr-Harajeŭ, jaki kamandavaŭ šturmavoj rotaj. Pra heta paviedamiŭ kiraŭnik Kałmykii Batu Chasikaŭ. Zahinuły za raniejšy ŭdzieł u rasijskaj ahresii atrymaŭ zvańnie Hieroja Rasii.

Naran Ačyr-Harajeŭ

Šyrokuju viadomaść Naran Ačyr-Harajeŭ atrymaŭ paśla ŭdziełu ŭ pramoj linii z Uładzimiram Pucinym u śniežni 2025 hoda. Tam jon raskazvaŭ pra ŭdzieł svajho padraździaleńnia ŭ bajach za Sieviersk u Danieckaj vobłaści. Pavodle infarmacyi rasijskaha boku, jahonaja rota nibyta zaniała bolš za 80 žyłych damoŭ i źniščyła dziasiatki ŭmacavanych pazicyj ukrainskich vojskaŭ.

Za hetyja dziejańni ŭ 2025 hodzie Ačyr-Harajevu dali zvańnie Hieroja Rasijskaj Fiederacyi. Uznaharodu — miedal «Załataja Zorka» — jamu 17 śniežnia 2025 hoda ŭručyŭ asabista Pucin. 9 maja 2026 hoda Ačyr-Harajeŭ prysutničaŭ na paradzie ŭ Maskvie, dzie siarod inšaha vitaŭsia z Pucinym.

Naran Ačyr-Harajeŭ vitajecca z Pucinym na paradzie ŭ Maskvie 9 maja 2026 hoda

Naran Ačyr-Harajeŭ byŭ rodam z horada Łahań u Kałmykii. Svaju słužbu padčas vajny z Ukrainaj jon pačynaŭ jak kiroŭca, a paźniej staŭ kamandziram šturmavoj roty. Abstaviny jaho hibieli pakul nie raskryvajucca.

Kamientary da artykuła