Ukraina: Rasijanie pavialičyli kolkaść dronaŭ, jakija zapuskajucca ź Biełarusi
Rasija apošnim časam pavialičyła kolkaść atak bieśpiłotnikami, jakija zapuskajucca z terytoryi Biełarusi abo ŭzdoŭž biełaruska-ŭkrainskaj miažy, paviedamiŭ pres-sakratar Dziaržaŭnaj pamiežnaj słužby Ukrainy Andrej Dziemčanka.
Zdymak ilustracyjny. Fota: Anton Petrus / Getty Images
Razam z tym Andrej Dziemčanka adznačyŭ, što ciapier na terytoryi Biełarusi niama značnaj kolkaści rasijskich vojskaŭ, a taksama nie zafiksavana pierakidańnie dadatkovych padraździaleńniaŭ, jakoje mahło b śviedčyć pra padrychtoŭku novaha maštabnaha nastupu na Ukrainu z paŭnočnaha napramku.
Pavodle jaho słoŭ, ukrainski bok, adnak, praciahvaje ličyć pahrozu z boku Biełarusi aktualnaj. Siarod mahčymych ryzyk nazyvajucca jak imaviernaść paŭtornaha ŭvarvańnia ŭ inšym farmacie, tak i mahčymyja pravakacyi na miažy z metaj adciahnuć ukrainskija siły ad inšych učastkaŭ frontu.
Asobna Dziemčanka adznačyŭ, što Rasija praciahvaje cisnuć na Biełaruś, sprabujučy damahčysia jaje bolš aktyŭnaha ŭdziełu ŭ vajnie suprać Ukrainy.
Čytajcie taksama:
Biełaruskaje padraździaleńnie va Ukrainie apublikavała VIDEA sa svajoj bajavoj pracaj
Biełaruś zadziejničała avijacyju dla źbićcia dronaŭ, jakija zalatajuć u Viciebskuju vobłaść
Za apošnija sutki ŭ Biełaruś jak minimum try razy zalacieli rasijskija drony