Pasiarednikam u pieramovach Ukrainy i Rasii moža stać pravasłaŭny patryjarch

Prezident ZŠA Donald Tramp razhladaje mahčymaść pryciahnuć Ijerusalimskaha patryjarcha Fieafiła III da pasiarednictva ŭ pieramovach pamiž Rasijaj i Ukrainaj ab spynieńni ahniu. Pra heta paviedamlaje izrailskaje vydańnie Ynet sa spasyłkaj na krynicy, znajomyja z abmierkavańniami ŭ Biełym domie.

Fieafił III. Fota: Rachel Sharoni / Pikiwiki Israel

Pavodle infarmacyi vydańnia, 74‑hadovy patryjarch Fieafił III moža stać dadatkovym kanałam suviazi pamiž Maskvoj i Kijevam i sadziejničać naładžvańniu dyjałohu pamiž bakami. Taksama śćviardžajecca, što naprykancy červienia ŭ jaho moža adbycca sustreča z prezidentam Rasii Uładzimiram Pucinym. Aficyjnaha paćviardžeńnia hetaj infarmacyi, adnak, pakul niama.

U Vašynhtonie ličać, što Fieafił III karystajecca davieram jak u Rasii, tak i va Ukrainie, a taksama maje vopyt udziełu ŭ humanitarnych i dypłamatyčnych inicyjatyvach. Adnoj ź jaho hałoŭnych pieravah nazyvajuć reputacyju niepalityčnaj asoby z vysokim relihijnym i maralnym aŭtarytetam u pravasłaŭnym śviecie.

Fieafił III uznačalvaje Ijerusalimskuju pravasłaŭnuju carkvu z 2005 hoda i ličycca adnym z najbolš upłyvovych pravasłaŭnych ijerarchaŭ.

Pavodle krynic, blizkich da patryjarcha, administracyja Trampa spadziajecca dasiahnuć prahresu ŭ pytańni ŭrehulavańnia rasijska-ŭkrainskaj vajny i razhladaje hetuju inicyjatyvu jak adzin z mahčymych šlachoŭ dla prasoŭvańnia mirnaha pracesu.

Kamientary da artykuła