Cichanoŭskaja pieradała list patryjarchu Varfałamieju, jaki pryjechaŭ u Litvu
Śviatłana Cichanoŭskaja vykazała padziaku za stvareńnie biełaruskaj parafii Kanstancinopalskaha patryjarchatu ŭ Vilni i padkreśliła, što carkva maje asablivaje značeńnie dla biełarusaŭ, jakija vymušanyja žyć u vyhnańni. Pra heta «Biełsatu» paviedamiŭ daradca Cichanoŭskaj u dypłamatyčnych pytańniach Dzianis Kučynski, jaki taksama pieradaŭ patryjarchu Kanstancinopalskamu padarunak ad lidarki demakratyčnych sił.
«Pojas byŭ vyšyty admysłova dla hetaj sustrečy»
Dzianis Kučynski nazvaŭ sustreču z patryjarcham Varfałamiejem vialikim honaram. Pavodle jaho, hety vizit staŭ važnym simvałam padtrymki dla biełaruskich pravasłaŭnych viernikaŭ Kanstancinopalskaha patryjarchatu i dla biełaruskaj hramady ŭ Vilni.
Na jaho dumku, sustreča dapamoža biełaruskim viernikam adčuvać siabie bolš upeŭniena, bo ŭ ich jość svaja parafija i novaja supolnaść. Jon taksama dadaŭ, što z razmoŭ ź viernikami bačyć: heta sapraŭdy žyvaja i zhurtavanaja supolnaść.
Patryjarchu padaryli słucki pojas — adzin ź simvałaŭ Biełarusi, jejnaj historyi i spadčyny Vialikaha Kniastva Litoŭskaha.
«Słucki pojas — heta asobnaja cikavaja historyja. Jon z Varšavy, jaho pryvieźli siońnia ŭnačy. Heta praca majstra, jaki robić takija pajasy ŭ Varšavie. Pojas byŭ vyšyty admysłova dla hetaj sustrečy: u załatym kolery, śpiecyjalna pad hetuju padzieju», — kaža Kučynski.
6 červienia Kanstancinopalski patryjarch Varfałamiej prybyŭ u Vilniu z dvuchdzionnym vizitam, padčas jakoha sustreŭsia ź miascovaj pravasłaŭnaj supolnaściu, što znachodzicca pad jurysdykcyjaj Kanstancinopalskaha patryjarchatu, u tym liku pradstaŭnikami biełaruskaj parafii.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary